بھارت میں ایک اور طیارہ گر کر تباہ ، خاتون ٹرینی پائلٹ زخمی

بھارت کی ریاست گجرات کے مہسانہ ضلع میں پیر کی شام ایک تربیتی طیارہ کھیتوں میں گر کر تباہ ہوگیا، حادثہ کے نتیجے میں خاتون ٹرینی پائلٹ زخمی ہو گئیں۔

بھارتی میڈیا کے مطابق حادثے میں زخمی ٹرینی پائلٹ کو طبی امداد کیلئے ہسپتال منتقل کردیا گیا ہے، ہسپتال انتظامیہ کے مطابق خاتون پائلٹ کی حالت خطرے سے باہر  ہے، مہسانہ تعلقہ پولیس اسٹیشن کے انسپکٹر ڈی جی بدوا کے مطابق سنگل انجن والا طیارہ تکنیکی وجوہات کی بنا پر مہسانہ شہر کے قریب اُچارپی گاؤں میں گر کر تباہ ہوگیا۔

 مہسانہ ٹاؤن پولیس کے مطابق یہ واقعہ شام 7 بجے کے قریب پیش آیا تھا،ان کا کہنا تھا کہ ایوی ایشن اکیڈمی کا ٹرینر طیارہ اُچارپی کے ایک کھیت میں گر کر تباہ ہوا۔

یہ بھی پڑھیں : ایس آئی ایف سی کا مثبت کردار ،  برآمدات میں اضافے کے باعث معاشی ترقی کی راہیں ہموار 

رپورٹ کے مطابق بھارت میں طیارے گرنےکا یہ پہلا واقعہ نہیں ہے اس سے قبل بھی اس طرح کے حادثات ہوچکے ہیں۔

ایک جانب بھارت ایف 35 طیارے خریدنے کی بات کرتا ہے اور دوسری طرف تربیتی طیارے سنبھالے نہیں جا رہے ، رواں ماہ کی 7 تاریخ کو ایک ہی دن میں دو بھارتی طیارے گر کر تباہ ہوگئے جن میں ایک لڑاکا طیارہ تھا۔