متحدہ عرب امارات میں عیدالاضحیٰ کب ہو گی، پاکستان بارے بھی اہم اعلان

متحدہ عرب امارات میں عیدالاضحیٰ چھ جون بروز جمعہ کو ہو گی، پاکستان میں عید بارے بھی پیشگوئی کر دی گئی۔

 امارات کے ماہرین فلکیات نے یہ پیش گوئی چاند کی متوقع رویت کی بنیاد پر کی گئی ہے۔ اماراتی فلکیاتی سوسائٹی کا کہنا ہے کہ ذوالحج کا چاند 27 مئی 2025 کی شام کو نظر آنے کا امکان ہے، اس طرح  28 مئی کو ذوالحج کا پہلا دن ہوگا۔

اماراتی فلکیاتی سوسائٹی کے مطابق چاند صبح اماراتی وقت کے مطابق 7 بج کر 2 منٹ پیدا ہوگا اور سورج غروب ہونے کے بعد تقریباً 38 منٹ تک آسمان پر دیکھا جا سکے گا۔

پرائیویٹ حج کوٹہ میں سے 70ہزار کا کوٹہ ضائع ہونے کا خدشہ ، وزیر مذہبی امور کے بعد وزیراعظم بھی متحرک

چیئرمین فلکیاتی سوسائٹی ابراہیم الجروان نے باقاعدہ اعلان کرتے ہوئے کہا کہ چاند کی ممکنہ رویت عید کی متوقع تاریخ سے مطابقت رکھتی ہے۔

کیلینڈر کے مطابق امارات میں یوم عرفہ اور عیدالاضحیٰ کی تعطیلات ذو الحجہ 9 تا 12 (1445 ہجری) ہوں گی۔

ابتدائی فلکیاتی حساب  کے مطابق پاکستان میں عیدالاضحیٰ 7 جون 2025 بروز ہفتہ منائے جانے کی توقع ہے لیکن حتمی اعلان مرکزی رویت ہلال کمیٹی  کرے گی۔