ہری پور بیٹ گلی سے آنیوالے سیاحوں کی کشتی تربیلا ڈیم چاندنی چوک کے مقام پر دلدل میں پھنس گئی، کشتی میں 80 کے قریب افراد سوار ہیں۔
تفصیلات کے مطابق تربیلا ڈیم چاندنی چوک کے مقام پر دلدل میں سیاحوں کی کشتی پھنس گئی، جس میں 80 کے قریب مسافر موجود ہیں۔ کئی گھنٹے کی تاخیر کے بعد امدادی کارروائیاں شروع کی گئیں اور امدادی کارکن پہنچ چکے ہیں۔ کشتی میں پھنسے مسافروں کو نکالا جارہا ہے۔
کشتی میں پھنسے افراد میں بچوں اورخواتین کی بڑی تعداد موجود ہے۔ اسسٹنٹ کمشنر نے بتایا کہ کشتی میں 20 سے زائد مسافروں کو ریسکیو کر لیا گیا ہے۔ اسسٹنٹ کمشنر حمزہ عباس کا کہنا ہے کہ دلدل میں پھنسی کشتی سے مسافروں کو ریسکیو کرنا شروع کر دیا، کشتی کے دیگر مسافروں کو بھی جلد محفوظ مقام پر منتقل کر دیا جائیگا۔
واضح رہے کہ کشتی پانی کی کمی کی وجہ سے تربیلا جھیل میں چاندنی چوک کے مقام پر پھنسی تھی۔ واضح رہے کہ 4 سال قبل بھی اسی مقام پر کشتی حادثے میں درجنوں افراد جاں بحق ہوگئے تھے۔
By 
