عالمی مارکیٹ میں سونےکی قیمتوں میں کمی کے بعد پاکستان میں بھی فی تولہ سونے کی قیمت میں کمی ہوگئی۔
آل پاکستان جیمز اینڈ جیولرز ایسوسی ایشن کے مطابق آج ملک میں سونے کی فی تولہ قیمت میں 2ہزار روپے جبکہ دس گرام سونے کی قیمت میں 1715روپے کمی ریکارڈ کی گئی۔ قیمتوں میں کمی کے بعد ایک تولہ سونا 3لاکھ 18ہزار روپے اور دس گرام سونا 2لاکھ 72ہزار 633روپے کا ہوگیا۔
بین الاقوامی مارکیٹ میں سونے کی فی اونس قیمت میں 28ڈالر کمی کیساتھ 3ہزار10ڈالر ہوگئی۔
دوسری جانب ملکی سطح پر تیل و گیس کی پیداوار کے شعبے سے اچھی خبر ، سپنوام-1 کنویں کی لوکہارٹ فارمیشن میں تیل و گیس کا نیا ذخیرہ دریافت ہوا ہے ۔
سپنوام-1، وزیرستان بلاک، شمالی وزیرستان، خیبر پختونخوا میں واقع ہے ، تیل و گیس کے نئے ذخائر ماڑی انرجیز کی جانب سے دریافت کئے گئے۔ ویل ہیڈ فلونگ پریشر پر 70.3 ایم ایم ایس سی ایف ڈی گیس دریافت ، ماڑی انرجیز کے مطابق کنویں سے یومیہ 310بی بی ایل یومیہ تیل کے زخائر دریافت کئے گئے ہیں ، ماڑی انرجیز 55 فیصد شئیرز کے ساتھ بطور آپریٹر اسٹیک ہولڈر ہے۔
ایم ڈی ماڑی انرجیز کا کہنا ہے کہ اوجی ڈی سی ایل،اورینٹ پٹرولیم بالترتیب 35 اور 10 فیصد حقوق کے ساتھ شراکت دار ہیں ، نئی دریافت ملک میں تیل وگیس کے حوالے سے حوصلہ افزا قرار دیا جارہا ہے۔
ماڑی انرجیز نے سیکورٹی فورسز، صوبائی و وفاقی حکومتوں کے تعاون پر شکریہ ادا کیا ، کمپنی کا مشترکہ منصوبے کے شراکت داروں ، ڈی جی پی سی اور وزارت پٹرولیم کے تعاون پر تشکر کا اظہار کیاگیا۔
By 
