سونے کی فی تولہ قیمت نئی بلند ترین سطح پر پہنچ گئی

پاکستان سمیت دنیا بھر میں سونے کی قیمت بلند ترین سطح پر پہنچ گئی۔

آل پاکستان جیمز اینڈو جیولرز ایسوسی ایشن کے مطابق پاکستان میں سونے کی فی تولہ قیمت 10 ہزار روپے بڑھ کر 3 لاکھ 38 ہزار 8 سو روپے ہوگئی۔ ایسوسی ایشن کے مطابق ملک میں دس گرام سونے کی قیمت بھی 8 ہزار573 روپے بڑھ کر 2 لاکھ 90 ہزار466 روپے ہوگئی۔

عالمی مارکیٹ میں سونے کی قیمت میں 100 ڈالر اضافے سے 3 ہزار218 ڈالر فی اونس ہوگئی۔

مزید پڑھیں: امریکا چین تجارتی تنازع، سونے کی قیمت ریکارڈ بلندیوں پر

دوسری جانب انٹر بینک میں روپے کے مقابلے میں ڈالر کی قدر میں مزید کمی ہو گئی۔ انٹر بینک میں کاروبار کے اختتام پر ڈالر دس پیسے سستا ہونے سے 280 روپے 70 پیسے پر بند ہوا۔

اوپن مارکیٹ میں ڈالر 2 پیسے مہنگا ہونے سے 282 روپے 10 کی سطح پر آگیا۔