یوٹیوب کا اے آئی پر مبنی بہترین میوزک مارکیٹ پلیس متعارف

یوٹیوب کی جانب سے صارفین کے لیے آرٹیفیشل انٹیلی جنس (اے آئی) ٹیکنالوجی پر مبنی ایک نیا فیچر متعارف کرایا گیا ہے۔

اس فیچر کے ذریعے صارفین اے آئی ٹیکنالوجی کو اپنی ویڈیوز کے لیے کاسٹیوم انسٹرومنٹل بیک گراؤنڈ میوزک تیار کرنے کے لیے استعمال کرسکیں گے۔

کمپنی کے مطابق اس فیچر کو کریٹیر میوزک مارکیٹ پلیس میں متعارف کرایا جا رہا ہے تاکہ صارفین اے آئی کو تحریری ہدایات دے کر نئی دھنیں تیار کروا سکیں۔

یوٹیوب کمپنی  نے بتایا کہ اس فیچر کو بتدریج ان صارفین کے لیے متعارف کرایا جائے گا جن کو کریٹیر میوزک تک رسائی حاصل ہے۔

یہ کمپنی کا کمرشل میوزک لائسنسنگ پلیٹ فارم ہے جسے 2023 میں متعارف کرایا گیا تھا۔

اس کا مقصد صارفین کو ویڈیوز کے لیے میوزک کی تلاش میں مدد فراہم کرنا ہے اور اس عمل کے اخراجات کو سمجھنے میں مدد فراہم کرنا بھی ہے۔

یہ بھی پڑھیں : سوات اور گردونواح میں زلزلے کے جھٹکے

یہ نیا فیچر کریٹیر میوزک کے میوزک اسسٹنٹ ٹیب میں نظر آئے گا جہاں ٹیکسٹ فیلڈ میں صارف اے آئی کو تحریری ہدایات دے گا کہ وہ کس قسم کی موسیقی چاہتا ہے، جیسے کونسے آلات استعمال کیے جائیں یا کس طرح کی ویڈیو وہ بنا رہا ہے۔

پہلے سے تیار تحریری ہدایات بھی دستیاب ہوں گی جو اس صورت میں مددگار ثابت ہوں گی جب صارف کے لیے خود ہدایات دینا مشکل ہو ، جب میوزک ٹریک تیار ہو جائے گا تو صارفین اسے ڈاؤن لوڈ کرکے اپنی ویڈیو کا حصہ بناسکیں گے۔

یوٹیوب کے مطابق یہ میوزک مفت استعمال کیا جاسکے گا اور صارفین کو کاپی رائٹ کے دعوؤں کے بارے میں فکرمند ہونے کی ضرورت نہیں ہوگی۔

یہ فیچر سب سے پہلے امریکا میں صارفین کو دستیاب ہوگا۔