آج رات پاکستان سمیت دنیا کے کئی ممالک میں آسمان پر پنک مون اپنی پوری آب و تاب کے ساتھ چمکے گا۔
فلکیاتی ماہرین کے مطابق یہ حسین منظر نہ صرف پاکستان بلکہ امریکا، برطانیہ، بھارت، آسٹریلیا اور افریقی ممالک میں بھی دیکھا جا سکے گا۔ پنک مون ہر سال بہار کے آغاز پر نمودار ہوتا ہے اور اسے موسمِ بہار کے خوبصورت چاند کے طور پر بھی جانا جاتا ہے۔
ماہرین فلکیات نے بتایا ہے کہ پاکستان میں پنک مون کا مکمل نظارہ آج رات 9 بج کر 8 منٹ پر ممکن ہوگا۔ غروب آفتاب کے وقت چاند نہ صرف معمول سے بڑا بلکہ خاصا روشن بھی دکھائی دے گا، جس سے آسمان کا منظر اور بھی حسین بن جائے گا۔
مزید برآں ماہرین کا کہنا ہے کہ اس سال فلکیاتی کیلنڈر کے مطابق 2025 کے دوران مجموعی طور پر 12 مکمل چاند دیکھے جا سکیں گے، جن میں اگلا مکمل چاندفلاور مون 12 مئی کو نمودار ہوگا۔ آج کی رات چاندنی سے لطف اندوز ہونے کا بہترین موقع ہےاور فلکیات سے دلچسپی رکھنے والے افراد کے لیے یہ ایک یادگار لمحہ ثابت ہو سکتا ہے۔
By 
