سعودی عرب کے شہر جدہ سے مدینہ منورہ جانے والی عمرہ زائرین کی بس المنازل البدر کے قریب ایک ٹرالر سے جا ٹکرائی جس کے نتیجے میں 3خواتین سمیت 5 پاکستانی شہری جاں بحق اورمتعدد افراد زخمی ہو گئے۔
نجی ٹی وی کے مطابق حادثے کے فوری بعد نعشوں اور زخمی افراد کو قریبی ہسپتالوں میں منتقل کر دیا گیا، زخمیوں میں خواتین، بچے اور بزرگ شامل ہیں ۔ میڈیا رپورٹ کے جاں بحق ہونے والے افراد کا تعلق پنجاب کے ضلع بہا ؤلنگر سے بتایا جا رہا ہے۔
جاں بحق خواتین میں سے 2خواتین بہاولنگر کے گاؤں 228/9-R کی رہائشی تھیں، تیسری خاتون کا تعلق گاؤں 201 مراد سے تھا۔ جاں بحق مردوں میں ایک بزرگ گاؤں 39/3-R اور دوسرے بزرگ ڈاہرنوالہ شہر کے رہائشی تھے۔
By 
