فضائی حدود کی خلاف ورزی، پاک افواج نے بھارتی کواڈ کاپٹر مار گرا دیا

افواج پاکستان نے بھارتی افواج کی جانب سے جاسوسی کے لیے بھیجے گئے کواڈ کاپٹر کوکنٹرول لائن عبور کرنے کی کوشش کے دوران مار گرا دیا ہے۔

سیکیورٹی ذرائع کے مطابق افواج پاکستان نے لائن آف کنٹرول (ایل او سی) پر بھارتی کواڈ کاپٹر کی جانب سے فضائی حدود کی خلاف ورزی کو ناکام بناتے ہوئے مار گرایا ہے۔

ذرائع کے مطابق بھمبر کے علاقے مناور سیکٹر میں دشمن نے کواڈ کاپٹر کے ذریعے جاسوسی کرنے کی کوشش کی، جسے پاک فوج نے بروقت کارروائی کر کے دشمن کی اس مذموم کوشش کو ناکام بنا دیا ہے۔

سیکیورٹی فورسز کے مطابق یہ واقعہ پاک فوج کی مستعدی، پیشہ ورانہ مہارت اور دفاعی تیاری کا منہ بولتا ثبوت ہے۔ پاک فوج دشمن کی کسی بھی جارحیت کا فوری اور مؤثر جواب دینے کے لیے ہر دم تیار ہے۔ پوری قوم افواجِ پاکستان  کے ساتھ ملکر دشمن کو ہر محاذ پر منہ توڑ جواب دے گی۔