سندھ حکومت نے شہر میں روڈ سیفٹی بڑھانے اور ٹریفک حادثات کو کم کرنے کے لیے ڈمپرز اور واٹر ٹینکروں سمیت ہیوی گاڑیوں میں جی پی ایس ٹریکر ز کی تنصیب کو یقینی بنانے کی مہم تیز کردی ہے۔
میڈیا رپورٹ کے مطابق 4 مئی تک کم از کم 6617 ہیوی گاڑیوں پر جی پی ایس ٹریکنگ ڈیوائسز نصب کی جا چکی ہیں۔ ان میں 3391 واٹر ٹینکرز، 28 ڈمپرز، 82 آئل ٹینکرز، 214 مسافر بسیں اور 214 چھوٹے ٹرک شامل ہیں۔ یہ اقدام 2763 بڑے ٹرکوں اور 137 ٹریلرز تک بھی پھیلا ہوا ہے جو اس وقت شہر کی سڑکوں پر رواں دواں ہیں۔
ٹریکر اقدام کے متوازی ٹریفک پولیس نے وزیراعلیٰ کی ہدایات کے بعد ٹریفک قوانین کی خلاف ورزیوں کے خلاف کارروائیاں تیز کردی ہیں۔ یہ کریک ڈاؤن ٹریفک ڈسپلن کو بہتر بنانے اور بھاری اور غیر مجاز گاڑیوں سے متعلق حادثات پر بڑھتی ہوئی تشویش کو دور کرنے کے لیے ایک وسیع تر مہم کا حصہ ہے۔
9 اپریل سے اب تک مختلف خلاف ورزیوں پر مجموعی طور پر 31,677 موٹر سائیکلوں کو ضبط کیا گیا ہے۔ مزید برآں فینسی نمبر پلیٹس اور رنگین کھڑکیوں کے استعمال جیسی خلاف ورزیوں پر 2719 گاڑیوں کے خلاف کارروائی کی گئی ہے۔ پولیس نے ٹریفک قوانین پر عمل نہ کرنے پر 515 بڑی اور چھوٹی گاڑیاں بھی ضبط کی ہیں۔
موٹر وہیکل انسپکٹرز نے 25 گاڑیوں کی رجسٹریشن منسوخ کرنے کی سفارش کی ہے جبکہ 491 کو عارضی طور پر معطل کرنے کی تجویز دی گئی ہے۔
By 
