مغربی ہواؤں کا سلسلہ 19 مئی کو ملک میں داخل ہونے کا امکان، گرج چمک کے ساتھ بارش کی پیشگوئی

محکمہ موسمیات نے کہا ہے کہ 15 سے 20 مئی کے دوران ملک کے بیشتر مقامات ہیٹ ویو کی لپیٹ میں رہ سکتے ہیں۔

محکمہ موسمیات کی جانب سے جاری الرٹ کے مطابق 15 مئی سے ہوا کا دباؤ ملک کے بیشتر مقامات پر اثرانداز ہو سکتا ہے، 15 سے 20 مئی کے دوران سندھ، بلوچستان اور جنوبی پنجاب میں دن کا درجہ حرارت معمول سے 4 سے 6 ڈگری سینٹی گریڈ زیادہ رہنے کی توقع ہے۔

موجودہ حالات میں عمران خان کی جیل سے باہر موجودگی ضروری ہے ، لطیف کھوسہ

15 سے 19 مئی کے دوران ملک کے بالائی علاقوں میں دن کا درجہ حرارت معمول سے 5 سے 7 ڈگری سینٹی گریڈ زیادہ رہنے کا امکان ہے۔

محکمہ موسمیات کے مطابق 19 مئی سے مغربی ہواؤں کا سلسلہ ملک کے بالائی علاقوں میں داخل ہو سکتا ہے، 19 سے 20 مئی کے دوران ملک کے بالائی علاقوں میں آندھی اور گرج چمک کے ساتھ بارش کا امکان ہے جبکہ چند مقامات پر موسلا دھار بارش اور ژالہ باری کی بھی توقع ہے۔