آسٹریلیا کے فاسٹ بولر مچل اسٹارک نے انڈین پریمئیر لیگ( آئی پی ایل )کے بقیہ میچز میں شرکت کیلئے بھارت واپس جانے سے صاف انکار کردیا۔
آسٹریلوی میڈیا کے مطابق مچل اسٹارک سکیورٹی خدشات اور خطے میں پائی جانے والی کشیدگی کی وجہ سے بھارت واپس نہیں جائیں گے۔ اس حوالے سے مچل اسٹارک نے آئی پی ایل کی ٹیم دہلی کیپیٹلز کو اپنے فیصلے بارے آگاہ کردیا۔
انہوں نے فرنچائز کو بتا دیا کہ وہ بقیہ میچز سے دستیابی نہیں ہوں گے۔ واضح رہے کہ آسٹریلیوی فاسٹ بالر مچل اسٹارک دھرم شالا میں بلیک آؤٹ کی وجہ سے روکے جانے والے میچ کا بھی حصہ تھے۔
ان کی اہلیہ ایلیسا ہیلی بھی وہاں موجود تھیں اور انہوں نے ایک انٹرویو میں دھرم شالا کے حالات کھل کر بتائے تھے۔ دوسری جانب فاسٹ بولر جوش ہیزل ووڈ کندھے کی تکلیف کے باوجود بھارت واپس جا رہے ۔
آسٹریلوی میڈیا کے مطابق جوش ہیزل ووڈ رائل چیلنجرز بنگلور کو پلے آف سے قبل ٹیم کو جوائن کر لیں گے جبکہ آسٹریلوی کپتان پیٹ کمنز اور ٹریوس ہیڈ بھی بھارت میں اپنی ٹیموں کو جوائن کریں گے۔
کرکٹ آسٹریلیا آئی پی ایل کیلئے کھلاڑیوں کی دستیابی کے بارے میں جلد اپنا بیان جاری کریگا۔ یاد رہے پاک بھارت میں کشیدہ صورتحال کے باعث گزشتہ جمعہ انڈین پریمئیر لیگ کو ایک ہفتے کیلئے ملتوی کیا گیا تھا، لیگ کے بقیہ میچز 17 مئی سے دوبارہ شروع ہونے جا رہے ہیں ۔