’مجرمانہ خاموشی‘ : فیصل واوڈا کی نواز شریف پر کڑی تنقید

اسلام آباد۔ سینیٹر فیصل واوڈا نے جیو نیوز کے ایک پروگرام میں گفتگو کے دوران پاکستان مسلم لیگ (ن) کے صدر اور سابق وزیراعظم میاں نواز شریف کو شدید تنقید کا نشانہ بناتے ہوئے الزام عائد کیا کہ وہ حالیہ بھارتی جارحیت کے دوران مجرمانہ خاموشی اختیار کیے رہے۔

فیصل واوڈا کا کہنا تھا کہ نہ صرف نواز شریف بلکہ موجودہ ’ٹک ٹاک حکومت‘ نے بھی بھارتی حملوں پر مجرمانہ حد تک خاموشی اختیار کی۔ “ہر کسی نے اس خاموشی کو محسوس کیا اور دیکھا۔

یاد رہے کہ بھارت نے پہلگام واقعے کی ذمہ داری کا الزام پاکستان پر عائد کرتے ہوئے دشمنی کا آغاز کیا تھا، جس میں مقبوضہ جموں و کشمیر میں 26 افراد جاں بحق  ہوئے تھے۔ بھارتی وزیراعظم نریندر مودی کی زیر قیادت انتہا پسند حکومت نے ہمیشہ اپنی داخلی ناکامیوں کا الزام پاکستان پر ڈال کر جنگی ماحول پیدا کیا ہے تاکہ ووٹرز کی توجہ حاصل کی جا سکے۔

سات مئی کی رات بھارت نے پاکستانی شہری علاقوں پر فضائی حملے کیے، جس میں 30 سے زائد شہری شہید ہوئے۔ جواباً، پاک فضائیہ نے دفاعی کارروائی کرتے ہوئے اپنی فضائی حدود کے اندر کم از کم 6 بھارتی طیارے مار گرائے۔

یہ بھی پڑھیں: پانی کی دھمکی دی گئی تو پہلا حملہ پاکستان کرے گا، پورا پاکستان اپنی فوج کے پیچھے کھڑا ہے، فیصل واوڈا