سرکاری ملازمین نے بجٹ پیش کیے جانے کے دوران دس جون کو اپنے مطالبات کے حق میں پارلیمنٹ کے باہر دھرنا دینے کا اعلان کردیا ہے۔
چیف آرگنائزر آل گورنمنٹ ایمپلائز گرینڈ الائنس رحمان باجوہ کا کہنا تھا کہ دھرنے میں ملک بھر سے سرکاری ملازمین شریک ہوں گے، ہمارا مطالبہ ہے کہ وزیراعظم کی قائم کردہ سب کمیٹی اور آل گورنمنٹ ایمپلائز گرینڈ الائنس کے تحریری معاہدے پر عمل کیا جائے۔
نجی ٹی وی کے مطابق انہوں نے کہا کہ ایڈہاک ریلیف الاؤنسز بنیادی تنخواہ میں ضم کرکے پے اسکیل ریوائز کیا جائے، انہوں نے مطالبہ کرتے ہوئے کہا کہ مزدور کی کم از کم اجرت 50 ہزار مقرر کی جائے اور وفاقی سرکاری ملازمین کی پینشن اور تنخواہوں میں کم از کم 50 فیصد اضافہ کیا جائے۔
آل گورنمنٹ ایمپلائز گرینڈ الائنس نے کہا کہ حکومت پنشن اصلاحات کو فی الفور واپس لے اور الائنس کا کہنا تھا کہ اگر مطالبات منظور ہوئے تو پارلیمنٹ ہاؤس کے سامنے یوم تشکر منایا جائے گا۔
By 
