سرکاری ملازمین کی تنخواہوں میں بڑااضافہ، پنجاب حکومت نے خوشخبری سنا دی

پنجاب کے بجٹ کے اہم نکات سامنے آگئے ،وزیراعلیٰ پنجاب مریم نوازشریف نے پنجاب کے سرکاری ملازمین کی تنخواہوں میں 10 فیصد اور پنشن میں 7 فیصد اضافے کی ابتدائی منظوری دیدی۔

تفصیلات کے مطابق وفاق کے بعد پنجاب حکومت نے بھی سرکاری ملازمین کو خوشخبری سنا دی، وزیراعلیٰ پنجاب نےسرکاری ملازمین کی تنخواہوں میں 10 فیصد اور پنشن میں 7 فیصد اضافے کی ابتدائی منظوری دیدی۔محکمہ خزانہ پنجاب حتمی منظوری کیلئے صوبائی کابینہ کے سامنے پیش کرے گا،وزیراعلی پنجاب مریم نوازشریف نے بجٹ منظوری کےلیے اجلاس 13جون صبح 11بجے طلب کرلیا.

آئندہ مالی سال میں ترقیاتی بجٹ کا حجم ایک ہزار ایک سو سے زائد رکھنے کی تجاویز بجٹ میں شامل،محکمہ ترقیاتی و منصوبہ بندی نے وزیراعلی پنجاب مریم نوازشریف کو ارسال کردیا،سالانہ ترقیاتی بجٹ میں2750ترقیاتی سکیموں کےلئے1076 ارب روپےلوکل جبکہ 124ارب 30کروڑ روپے غیر ملکی فنڈنگ سے آئے گا،1412جاری ترقیاتی اسکیموں کےلئے 536ارب روپے رکھے گئے ہیں،آئندہ مالی سال میں 1353نئی ترقیاتی اسکیمں شامل کی گئیں۔

آئندہ مالی سال کے بجٹ میں نئی ترقیاتی اسکیموں کےلئے457ارب روپے رکھنے کی تجویز دی گئی،32 اولڈ ترقیاتی پروگرام کےلئے 207 ارب روپے،وزیراعلیٰ لوکل روڈ پروگرام بلاک کےلئے 100 ارب روپے،تحصیل ہیڈ کوارٹر ہسپتالوں کی سولر منتقلی کیلئے 1 ارب روپے، گورنمنٹ ہائی سیکنڈری سکولز کو شمسی توانائی منتقلی کیلئے 75 کروڑ روپے رکھنے کی تجویز دی گئی ہے۔

ذرائع کے مطابق پنجاب صاف پانی اتھارٹی کےلئے 4 ارب 34کروڑ 71لاکھ روپے ،وزیراعلیٰ پنجاب سکولز میل پروگرام 8 اضلاع کےلئے 9 ارب روپے ،وزیراعلیٰ ٹریکٹر پروگرام کےلئے 10 ارب روپے،لاہور میں زراعت ہاؤس کی تعمیر و مرمت کےلئے 75 کروڑ روپے کی تجویز دی گئی ہے ۔

پنجاب میں آم کی پیدوار بڑھانے کےلئے تین سالہ پروگرام لانے کا فیصلہ کیا گیا ہے ،آم کی پیداوار بڑھانے کےلئے سالانہ 75 کروڑ روپے،پنجاب کلین ائیر پروگرام (ورلڈ بنک فنڈڈ)کےلئے سالانہ 50 کروڑ روپے ،پنجاب گرین ٹریکٹر پروگرام فیز ٹو کیلئے ساڑھے پانچ ارب روپے رکھنے کی تجویز دی گئی ہے ۔

پنجاب حکومت کا ٹریڈ اینڈ انویسٹمنٹ ہاؤس پنجاب میں قائم کرنے کا فیصلہ بھی سامنے آیا ہے،ٹریڈ اینڈ انویسٹمنٹ ہاؤس پنجاب کےلئے 50 کروڑ روپے رکھنے کی تجویز دی گئی ہے ۔ ذرائع کے مطابق وزیراعلیٰ پنجاب آسان کارروبار فنانس کےلئے 89 ارب روپے رکھنے کی تجویز سامنے آئی ہے ،پنجاب بزنس فیسیلی ٹیشن سنٹرز کا دائرہ کار وسیع کرنے کیلئے 75کروڑ روپے،سی ایم آسان کارروبار فنانس نارتھ کیلئے 8 ارب ساؤتھ کیلئے 6 ارب روپے ،پنجاب کے سرکاری کالج میں سولرسسٹم کےلئے 3 ارب روپے رکھنے کی تجویز دی گئی ہے ۔

ڈسٹرکٹ اینڈ سیشن ججز اور ہائی کورٹ بنچز کو سولر سسٹم پر منتقل کرنے کےلئے 3ارب 4کروڑ روپے رکھنے کی تجویز سامنے آگئی ۔ پنجاب حکومت کاالیکٹرک پاور ریگولیٹری اتھارٹی کے قیام کا فیصلہ،پنجاب الیکٹر پاور ریگولیٹری اتھارٹی کےقیام کےلئے 3کروڑ روپے ،گورنر ہاوس کو سولر پر منتقل کرنے کےلئے 20 کروڑ روپے ،سولر بیسڈ ہائیڈروپمپس پنجاب کےلئے 40کروڑ روپے،پنجاب سیف سیٹیز اتھارٹیز کو سولر پر منتقل کرنے کےلئے 33کروڑ 94 لاکھ روپے رکھنے کی تجویز دی گئی ہے ۔