سویڈن کا پاکستان میں ویزا سروس دوبارہ شروع کرنے کا اعلان

اسلام آباد۔ سویڈن نے پاکستان میں اپنی ویزا سروس دوبارہ فعال کرنے کا اعلان کر دیا ہے۔

ترجمان دفتر خارجہ کے مطابق، پاکستان اور سویڈن کے وزرائے خارجہ کے درمیان ویزا سروس سے متعلق سیاسی مشاورت اسٹاک ہوم میں ہوئی، جس میں پاکستانی وفد کی قیادت ایڈیشنل سیکریٹری برائے یورپ نے کی، جبکہ سویڈن کے وفد کی قیادت وزارت خارجہ کے ڈائریکٹر جنرل برائے عالمی امور نے انجام دی۔

ترجمان کے مطابق، اس فیصلے سے کم مدت کے لیے سویڈن جانے کے خواہش مند پاکستانی شہریوں کو سہولت حاصل ہوگی۔ سات جولائی سے پاکستانی شہری سویڈن کے لیے 90 دن تک کے ویزے کی درخواست دے سکیں گے۔

یہ بھی پڑھیں: پاکستان کیخلاف جنگ میں 4 بھارتی پائلٹ سمیت 250 سے زائد فوجی ہلاک ہونے کا انکشاف

دفتر خارجہ کا کہنا ہے کہ پاکستان اس مثبت فیصلے کا خیر مقدم کرتا ہے، جو دونوں ممالک کے درمیان مضبوط ہوتے ہوئے دوطرفہ تعلقات کی عکاسی کرتا ہے۔