پی ڈی ایم اے نے پنجاب بھر میں مون سون بارشوں کے اسپیل کا الرٹ جاری کردیا

پی ڈی ایم اے نے 15سے 17جولائی کے دوران پنجاب کے بیشتر اضلاع میں تیز آندھی اور بارش کی پیشگوئی کی ہے ۔

ترجمان پی ڈی ایم اے کے مطابق راولپنڈی مری گلیات اٹک چکوال جہلم منڈی بہا ئوالدین گوجرانولہ حافظ آباد وزیر آباد میں بارشیں متوقع ہیں۔لاہور شیخوپورہ سیالکوٹ نارووال ساہیوال جھنگ ٹوبہ ٹیک سنگھ ننکانہ چنیوٹ اور فیصل آباد میں بھی بارشیں ہوں گی ۔

اوکاڑہ قصور خوشاب سرگودھا بھکر اور میانوالی میں گرج چمک کے ساتھ شدید بارشوں کی پیشگوئی کی گئی ہے ،بہاولپور بہاولنگر ڈی جی خان ملتان مظفرگڑھ خانیوال لودھراں راجن پور رحیم یار خان اور لیہ میں بھی گرج چمک کے ساتھ بارش کا امکان ہے ۔

 یہ خبر بھی پڑھیں :لاہور، اسلام آباد سمیت مختلف شہروں میں موسلادھار بارش، نظام زندگی متاثر
ڈی جی پی ڈی ایم اے عرفان علی کاٹھیا نے صوبہ بھر کے کمشنرز اور ڈپٹی کمشنرز کو الرٹ رہنے کی ہدایات جاری کی ہیں ۔
وزیر اعلی پنجاب کی ہدایت کے مطابق ضلعی انتظامیہ کو الرٹ جاری کر دیا گیاہے ،مون سون بارشوں سے پنجاب کے دریاؤں اور ان سے ملحقہ ندی نالوں میں پانی میں اضافے کے خدشات ہیں۔

بڑے شہروں میں مون سون بارشوں کے باعث اربن فلڈنگ کے پیش نظر انتظامیہ کو الرٹ جاری کیا گیا ہے ۔
محکمہ صحت آبپاشی تعمیر و مواصلات لوکل گورنمنٹ اور لایئو سٹاک کو بھی الرٹ جاری کر دیاگیا ہے۔

یہ خبر بھی پڑھیں :ملک میں مون سون بارشوں کا سپیل ، لینڈسلائیڈنگ اور ندی نالوں میں طغیانی کا خدشہ
ڈی جی پی ڈی ایم نےشہریوں سے التماس کی ہے کہ خراب موسم کی صورتحال میں احتیاطی تدابیر اختیار کر یں۔
شہریوں کو کہا گیا ہے کہ آندھی و طوفان کی صورتحال میں محفوظ مقامات پر رہیں غیر ضروری سفر سے گریز کریں ۔

والدین کو کہا گیا ہے کہ بچوں کا خاص خیال رکھیں انہیں نشیبی علاقوں میں پانی اور بجلی تاروں و کھمبوں کے قریب ہرگز نہ جانے دیں ۔
عوام بجلی کی گرج چمک اور طوفانی صورتحال میں کھلے آسمان تلے ہرگز نہ جائیں، ایمرجنسی صورتحال میں پی ڈی ایم اے ہیلپ لائن 1129 پر رابطہ کریں ۔