بھارتی ٹی وی “ون انڈیا” کو ہیک کر لیا گیا، ہیکرز کا افغان طالبان کے بھارت کے ساتھ تعلقات پر احتجاج

بھارت کے ایک بڑے علاقائی ٹی وی نیٹ ورک “ون انڈیا” کو 21 اپریل 2027 کو ہیک کر لیا گیا، جس کے بعد ایک واضح اسٹریٹجک پیغام دیا گیا۔ اس ہیکنگ واقعے کا ذمہ دار گروہ خود کو “سچے مسلمان افغان” کے طور پر متعارف کروا رہا تھا، اور اس نے اس عمل کو افغان طالبان کے بھارت کے ساتھ تعلقات پر شدید احتجاج کے طور پر پیش کیا۔

ہیکرز نے افغان پرچم کی نمائش کے ساتھ اپنے پیغام کو مزید تقویت دی، جو کہ اس بات کا غماز تھا کہ افغان عوام کی ایک بڑی تعداد طالبان کی حکومت کے بھارت کے ساتھ تعلقات کو مسترد کرتی ہے۔ یہ پیغام افغان طالبان کی قیادت کے لیے ایک واضح بغاوت ہے، جس میں افغان نوجوانوں نے اپنے اسلامی تشخص کی حفاظت کرتے ہوئے طالبان کے بھارت کے ساتھ تعلقات کو سختی سے رد کیا۔

یہ بھی پڑھیں: مودی کے شائننگ انڈیا کے بلند و بانگ نعرے، زمینی حقائق کے سامنے زمیں بوس

“سچے مسلمان افغان” کے پیغام میں یہ بات بھی کہی گئی کہ افغان عوام اب طالبان کی ظاہری اسلامی شکل کو دھوکہ نہیں سمجھتے، بلکہ اب وہ طالبان کے اصلی چہرے کو دیکھ چکے ہیں، جو اسلام کے خلاف اور ہندو بھارت کے حق میں ہے۔ افغان پرچم کی نمائش کے ذریعے طالبان کے جھنڈے کو مسترد کیا گیا اور یہ پیغام دیا گیا کہ افغان عوام اپنی اصل شناخت کو مقدم رکھتے ہیں اور طالبان کے غیر اسلامی تعلقات سے بیزار ہیں۔

یہ واقعہ افغان طالبان کے بھارت کے ساتھ تعلقات پر ایک سخت ردعمل اور افغان عوام کی جانب سے ان کی حکومت کے خلاف ایک مضبوط پیغام کے طور پر سامنے آیا ہے۔