ٹرمپ نے امریکی ٹیکنالوجی کمپنیوں کو بھارتیوں کو ملازمت دینے سے منع کردیا

بھارت کو عالمی سطح پر ایک اور جھٹکا لگ گیا ،  امریکی صدر ڈونلڈ ٹرمپ نے اعلان کیا کہ گوگل، اور مائیکروسافٹ جیسی بڑی امریکی ٹیکنالوجی کمپنیاں بھارتیوں کو نوکریاں نہ دیں۔

امریکی صدر ڈونلڈ ٹرمپ نے واشنگٹن میں منعقدہ ”اے آئی سمٹ“ سے خطاب کرتے ہوئے ٹرمپ نے امریکی ٹیکنالوجی کمپنیوں جیسے گوگل اور مائیکروسافٹ کو سخت تنبیہ کی کہ وہ بیرونِ ملک، خاص طور پر بھارتیوں کو ملازمتیں دینا بند کریں اور امریکی شہریوں کو روزگار دیں۔

ٹرمپ نے اپنی تقریر میں ٹیکنالوجی کی دنیا کے ”گلوبلسٹ مائنڈسیٹ“ پر کڑی تنقید کرتے  کہا کہ بڑی بڑی ٹیک کمپنیاں امریکی آزادی کا فائدہ اٹھا کر بھارت میں ورکرز بھرتی کرتی ہیں، چین میں فیکٹریاں لگاتی ہیں اور منافع آئرلینڈ میں چھپاتی ہیں۔

یہ بھی پڑھیں : بھارت کا بیرون ملک جابرانہ رویہ قومی سلامتی کیلئے خطرہ گردانا جائے، امریکی جریدہ

انہوں نے کہا کہ ’یہ کھیل اب ختم ہو چکا ہے، صدر ٹرمپ کے تحت ایسی پالیسیوں کی کوئی گنجائش نہیں ہوگی‘۔

ٹرمپ نے واضح کیا کہ امریکا میں تیار کردہ ٹیکنالوجی کو امریکا کے لیے ہونا چاہیے، نہ کہ بھارتی آئی ٹی مافیا کے مفاد کے لیے۔

 انہوں نے ٹیک کمپنیوں سے کہا: ’ہم چاہتے ہیں کہ آپ امریکا کو اولین ترجیح دیں، یہ ہمارا واحد مطالبہ ہے۔‘

ٹرمپ کی جانب سے دستخط کیے گئے نئے ایگزیکٹو آرڈرز کے تحت نہ صرف امریکی ساختہ اے آئی ٹولز کو عالمی سطح پر مقابلے کے قابل بنایا جائے گا بلکہ اُن تمام کمپنیوں پر بھی پابندیاں لگیں گی جو وفاقی فنڈنگ لے کر سیاسی نظریات پر مبنی ”ووک“ اے آئی بناتی رہی ہیں۔

انہوں نے کہا کہ سابق حکومت نے تنوع اور شمولیت کے نام پر امریکی ترقی کو روکنے کی کوشش کی۔

ٹرمپ نے اے آئی کے لیے اصطلاح ”آرٹیفیشل انٹیلیجنس“ کو بھی مسترد کرتے ہوئے کہا: ’یہ کوئی مصنوعی ذہانت نہیں، یہ ایک ذہانت کا کمال ہے۔‘

یہ بھی پڑھیں : امریکا : بھارتی تارکین وطن  سے غیر انسانی سلوک، مودی حکومت عالمی سطح پر رسوا

ٹرمپ کے ان حالیہ فیصلوں سے بھارت کی اربوں ڈالرز کی آؤٹ سورسنگ انڈسٹری، آئی ٹی ملازمین اور بھارتی مفادات کو شدید دھچکا پہنچنے کا امکان ہے ، ان کے بیان نے بھارت میں بے چینی اور امریکا میں سیاسی گرما گرمی کو مزید بڑھا دیا ہے۔