آج رات کہاں، کہاں بارش ہوگی؟شہروں کی فہرست جاری کر دی

ملک کے بالائی علاقوں سمیت شمال مشرقی پنجاب میں بارشوں کا سلسلہ آج رات بھی جاری رہنے کی پیشگوئی کی گئی ہے۔

محکمہ موسمیات کے مطابق آج رات کشمیر، خیبر پختونخوا، اسلام آباد، پنجاب، گلگت بلتستان اور شمال مشرقی بلوچستان میں تیز ہواؤں اور گرج چمک کے ساتھ بارش کا امکان ہے۔

اس دوران بالائی خیبر پختونخوا، گلگت بلتستان، خطہ پوٹھوہار، شمال مشرقی پنجاب اور کشمیر میں موسلا دھار بارش کی توقع ہے۔

محکمہ موسمیات نے برساتی ندی نالوں میں طغیانی کے خدشے کا اظہار کرتے ہوئے عوام کو احتیاطی تدابیر اختیار کرنے کی ہدایت کی ہے۔

یہ بھی پڑھیں: بھارت محفوظ جگہ نہیں، جو سیاح آئیں وہ اپنے رسک پر آئیں، وزیر اعلیٰ ریکھا گپتا نے بھارتی چہرہ بے نقاب کردیا

محکمے کے مطابق ندی نالوں میں طغیانی جبکہ پنجاب اور خیبر پختونخوا کے نشیبی علاقوں کے زیر آب آنے کا خطرہ موجود ہے۔