پاکستان میں CG150 ہنڈا نے سڑکوں پر دھوم مچا دی، قیمت اور فیچرز بھی سامنے آگئے

ویب ڈیسک۔ ہنڈا اٹلس نے پاکستان میں دو نئی موٹر سائیکلیں باقاعدہ طور پر لانچ کر دی ہیں طویل عرصے سے متوقع CG150 اور کمپنی کا پہلا الیکٹرک اسکوٹر “آئیکون ای”، جو مقامی صارفین کے لیے روایتی اور الیکٹرک دونوں ذرائع آمدورفت میں ایک اہم پیش رفت ہے۔

CG150 کی لانچنگ کی خبر اس وقت سامنے آئی جب جب کچھ ہفتے قبل یہ موٹر سائیکل سڑکوں پر دیکھی گئی، جس سے موٹر سائیکل کے شوقین افراد میں قیاس آرائیاں شروع ہو گئی تھیں۔ CG150 ایک 4-اسٹروک SOHC انجن سے لیس ہے اور اس میں سیلف اسٹارٹ اور کک اسٹارٹ دونوں آپشنز موجود ہیں۔ اس موٹر سائیکل کی قیمت 4,59,900 روپے مقرر کی گئی ہے۔

پہلا الیکٹرک اسکوٹر “آئیکون ای” لانچ

اس کے ساتھ ہی، ہنڈا نے “آئیکون ای” کے نام سے اپنی پہلی الیکٹرک اسکوٹر بھی متعارف کرائی ہے، جو پاکستانی مارکیٹ کے لیے خصوصی طور پر تیار کی گئی ہے۔ الیکٹرک ماڈل کی قیمت 4,19,900 روپے رکھی گئی ہے، جو ہنڈا کی الیکٹرک گاڑیوں کے شعبے میں پاکستان کی نیشنل الیکٹرک وہیکل پالیسی (NEVP) کے مطابق داخلے کی عکاسی کرتی ہے۔

یہ بھی پڑھیں: ڈیزائن میں تبدیلی کے بعد سوزوکی GD 110S موٹر سائیکل کی قیمت میں بڑا اضافہ

گزشتہ ماہ، اٹلس ہنڈا نے تصدیق کی تھی کہ وہ مقامی حالات کے مطابق تیار کردہ الیکٹرک اسکوٹرز لانچ کرنے کا ارادہ رکھتی ہے۔ پاکستان اسٹاک ایکسچینج (PSX) میں جمع کرائی گئی ایک رپورٹ میں کمپنی نے بتایا تھا کہ وہ ریگولیٹری اداروں کے ساتھ قریبی رابطے میں ہے تاکہ اس منصوبے کا ہموار آغاز یقینی بنایا جا سکے، اور سڑکوں پر جانچ اور معیار کی تصدیق کا عمل آخری مراحل میں ہے۔