نادرا سے فیملی رجسٹریشن سرٹیفکیٹ (ایف آر سی) بنوانے کا آسان طریقہ

اگر آپ نادرا سے اپنا فیملی رجسٹریشن سرٹیفکیٹ یعنی ایف آر سی بنوانا چاہتے ہیں تو یہ تحریر آپ کے لیے ہے۔

اس تحریر میں نادرا سینٹر جا کر ایف آر سی بنوانے کا تفصیلی، آسان اور مرحلہ وار طریقہ بیان کیا گیا ہے تاکہ شہریوں کو کسی قسم کی پریشانی نہ ہو۔

درخواست دینے کی اہلیت : فیملی میں سے کوئی ایک ممبر شریک حیات یا خونی رشتے دار دے سکتا ہے جبکہ لے پالک (گود لیے گئے) یا یتیم بچوں کے معاملے میں قانونی سرپرست درخواست دے سکتا ہے۔

مطلوبہ دستاویزات اور تیاری

18 سال سے کم عمر کے بچے جن کا بے فارم بغیر تصویر کے بنا ہوا ہے انہیں تصویر لینے کیلیے ساتھ لانا ضروری ہے

جن بچوں کا بے فارم تصویر کے ساتھ ہے یا جن کے پاس جوینائل کارڈ ہے انہیں موقع پر موجود ہونے کی ضرورت نہیں

تمام تیاریاں مکمل کر کے والدین یا قانونی سرپرست کے ساتھ نادرا سینٹر جائیں

ایف آر سی حاصل کرنے کے مراحل

نادرا سینٹر میں استقبالیہ سے ٹوکن حاصل کریں اور اپنی باری کا انتظار کریں

یہ بھی پڑھیں : سری لنکا کا 40 ممالک کے لیے ویزا فیس ختم کرنے کا اعلان

جب آپ کی باری آئے تو کاؤنٹر پر جائیں، بائیو میٹرک تصدیق کے بعد نادرا کا نمائندہ آپ کی خاندانی تفصیلات کی تصدیق کرے گا اور ایف آر سی کی اقسام کی وضاحت کرے گا

ایف آر سی کی اقسام

پیدائش کے لحاظ سے (By Birth)

شادی کے لحاظ سے (By Marriage)

گود لینے کے لحاظ سے (By Adoption) اور تمام (By All)

مطلوبہ ایف آر سی قسم کا انتخاب کرنے کے بعد ڈیٹا انٹری کی جائے گی اور 18 سال سے کم عمر کے بچوں کی تصاویر لی جائیں گی جن کا بے فارم بغیر تصویر والا ہے۔

درخواست دہندہ تمام خاندانی تفصیلات کا جائزہ لے گا۔ اگر کوئی اعتراض نہیں ہے تو درخواست دہندہ تصدیق کیلیے فارم پر دستخط کرے گا اور منظوری کیلیے انچارج آفس بھیجی جائے گی

یہ بھی پڑھیں : چیٹ جی پی ٹی سے دل کی باتیں کرنیوالے ہوشیار، اے آئی کے راز بے نقاب!

منظوری کے بعد فراہم کردہ موبائل نمبر پر ایک SMS نوٹیفکیشن موصول ہوگا،  ایف آر سی فیس نادرا آفس یا آن لائن ادا کی جا سکتی ہے۔

بائی آل کیٹیگری میں ایف آر سی کی فیس 2000 روپے جبکہ سنگل کیٹیگری جئ فیس 1000 روپے ہے،  ادائیگی کے بعد اسی دن نادرا آفس سے ایف آر سی حاصل کیا جا سکتا ہے۔