نادرا کی ’پاک آئی ڈی موبائل ایپ‘ استعمال کرنیوالے شہریوں کیلئے بڑی خوشخبری آگئی

نیشنل ڈیٹا بیس اینڈ رجسٹریشن اتھارٹی (نادرا) نے پاک آئی ڈی موبائل ایپ کا نیا ورژن متعارف کروا دیا ہے، جس میں متعدد جدید خصوصیات اور سہولیات شامل کی گئی ہیں تاکہ شہریوں کو زیادہ آسانی، سہولت اور تیزی سے خدمات فراہم کی جا سکیں۔

یہ بھی پڑھیں:نادرا میں لمبی لائنوں کا جھنجھٹ ختم ،شناختی کارڈ بنوانے والوں کے لیے بڑی خوشخبری

نادرا کے مطابق، نئی اپڈیٹس کے بعد اب شہری نہ صرف اپنی شناختی دستاویزات سے متعلقہ معلومات گھر بیٹھے حاصل کر سکیں گے بلکہ کئی اہم کام بھی موبائل ایپ کے ذریعے انجام دے سکیں گے، جن کے لیے پہلے نادرا سنٹر جانے کی ضرورت پیش آتی تھی۔

نئی خصوصیات اور سہولیات

ٹریکنگ آئی ڈی چیک کرنے کی سہولت

درخواست کے آغاز پر چہرے کی شناخت کے ذریعے بائیو میٹرک تصدیق

خاندان کے افراد کی تفصیلات دیکھنے کے لیے بائیو میٹرک تصدیق کی شرط ختم

نادرا سنٹر کی اپائنٹمنٹ بک کرنے کا نیا فیچر

زیادہ بہتر اور صارف دوست یوزر انٹرفیس

ایپ کا استعمال مزید سادہ اور مؤثر بنا دیا گیا ہے

نادرا کا کہنا ہے کہ پاک آئی ڈی ایپ کا یہ جدید ورژن شہریوں کو ڈیجیٹل سہولیات کے سفر میں ایک قدم اور آگے لے جائے گا۔ ایپ کو اپڈیٹ کرنے کے بعد صارفین بآسانی مختلف خدمات سے مستفید ہو سکیں گے، جن میں شناختی کارڈ کی درخواست، ٹریکنگ، اور خاندانی معلومات کا حصول شامل ہے۔

مزید پڑھیں:عوام کی سہولت کے پیشِ نظر نادرا کا قومی شناختی قوانین میں بڑی تبدیلیوں کا اعلان

نادرا نے شہریوں پر زور دیا ہے کہ وہ فوری طور پر اپنے موبائل میں پاک آئی ڈی ایپ کو اپ ڈیٹ کریں تاکہ ان نئی سہولیات سے فائدہ اٹھایا جا سکے۔