امریکی صدر ڈونلڈ ٹرمپ نے بھارت پر آئندہ 24 گھنٹوں میں مزید ٹیرف عائد کرنے کا اعلان کر دیا ہے۔
اپنے پیغام میں صدر ٹرمپ نے کہا کہ بھارت کے موجودہ 25 فیصد ٹیرف میں اضافہ کیا جائے گا۔
ڈونلڈ ٹرمپ کا کہنا تھا کہ بھارت اچھا تجارتی پارٹنر نہیں ہے، کیونکہ وہ روس سے تیل کی خریداری جاری رکھے ہوئے ہے، اور اس طرح یوکرین میں جنگی مشین کو ایندھن فراہم کر رہا ہے۔
انہوں نے مزید کہا کہ “بھارت ایسا کر رہا ہے اور میں اس سے خوش نہیں ہوں۔ اصل مسئلہ یہ رہا ہے کہ بھارت کے ٹیرف ہمیشہ سے بہت زیادہ رہے ہیں۔”
یاد رہے کہ گزشتہ روز بھی صدر ٹرمپ نے روس سے تیل خریدنے پر بھارت پر عائد ٹیرف مزید بڑھانے کا اعلان کیا تھا۔
سوشل میڈیا پر جاری بیان میں صدر ٹرمپ کا کہنا تھا کہ بھارت نہ صرف بڑی مقدار میں روسی تیل خرید رہا ہے بلکہ اسے فروخت کر کے منافع بھی کما رہا ہے۔
انہوں نے کہا کہ بھارت کو کوئی پرواہ نہیں کہ یوکرین میں روسی فوج کے ہاتھوں کتنے لوگ مارے جا رہے ہیں، اور اسی وجہ سے وہ اب بھارت پر ٹیرف میں مزید اضافہ کرنے جا رہے ہیں۔
اس سے قبل ٹرمپ یہ دھمکی بھی دے چکے ہیں کہ روس سے تیل خریدنے والے ممالک پر 100 فیصد ٹیرف عائد کیا جائے گا۔
By 
