ویب ڈیسک۔ پاکستان میں سونے کی قیمتوں میں اتار چڑھاؤ کا سلسلہ جاری ہے، اور ایک روز کی کمی کے بعد سونے کی قیمت میں دوبارہ اضافہ دیکھنے میں آیا ہے۔
تفصیلات کے مطابق، آل پاکستان جیمز اینڈ جیولرز ایسوسی ایشن کے مطابق ملک بھر میں فی تولہ سونے کی قیمت میں 1300 روپے کا اضافہ ہوا ہے، جس کے بعد فی تولہ سونا 3 لاکھ 59 ہزار 300 روپے کا ہوگیا ہے۔
اسی طرح 10 گرام سونے کی قیمت میں 1114 روپے اضافہ ہوا ہے، جس کے بعد یہ 3 لاکھ 8 ہزار 41 روپے پر پہنچ گئی ہے۔
عالمی مارکیٹ میں بھی سونے کی قیمت میں 13 ڈالر کا اضافہ ریکارڈ کیا گیا ہے، جس کے بعد عالمی سطح پر سونا 3366 ڈالر فی اونس ہوگیا ہے۔
سونے کے ساتھ ساتھ چاندی کی قیمتوں میں بھی اضافہ ہوا ہے۔ فی تولہ چاندی کی قیمت 39 روپے اضافے سے 4 ہزار 10 روپے جبکہ 10 گرام چاندی کی قیمت 33 روپے بڑھ کر 3 ہزار 437 روپے ہو گئی ہے۔
By 
