یوم آزادی پر مری جانے والے ہوشیار ہوجائیں، انتظامیہ کا بڑا اور غیر متوقع فیصلہ

ملکہ کوہسار مری میں یوم آزادی کی تقریبات کے دوران کسی بھی قسم کی ہنگامہ آرائی اور امن و امان کے مسائل سے بچاؤ کے لیے سخت حفاظتی اقدامات اٹھائے گئے ہیں۔

اس سلسلے میں ڈپٹی کمشنر کی جانب سے فیصلہ کیا گیا ہے کہ 12، 13 اور 14 اگست کو مری کے اہم علاقوں خاص طور پر مال روڈ اور جی پی او چوک کو مخصوص شرائط کے تحت عوام کے لیے کھولا جائے گا۔

ان تین دنوں میں مال روڈ اور جی پی او چوک صرف فیملیز کے افراد کے لیے کھلے رہیں گے تاکہ وہاں موجود ماحول پر مکمل کنٹرول رکھا جا سکے اور غیر ضروری ہجوم سے بچاؤ ممکن ہو۔

یہ خبر بھی پڑھیں :پاکستان کے یوم آزادی اور معرکہ حق میں کامیابی کا جشن منانے کیلئے تیاریاں عروج پر

اس سلسلہ میں دفعہ 144نافذ کردی گئی ہے ،جس کے تحت مال روڈ اور جی پی او چوک میں غیر ضروری عوامی داخلے پر مکمل پابندی عائد کی گئی ہے۔

سیکشن 144 کی خلاف ورزی کرنے والے افراد کے خلاف سخت قانونی کارروائی کی جائے گی اور مقدمات درج کیے جائیں گے۔

یہ قانون تعزیرات پاکستان کی دفعہ 188 کے تحت نافذ العمل ہوگا، جس کے تحت عوامی نظم و نسق کے تحفظ کے لیے ضروری پابندیاں لگائی گئی ہیں۔