’انڈیا آئندہ دو تین ماہ میں دوبارہ حملہ کر سکتا ہے‘: مرتضی سولنگی

اسلام آباد۔ کتاب The War That Changed Everything کے مصنف مرتضیٰ سولنگی نے میڈیا کے نمائندوں سے گفتگو کرتے ہوئے کہا کہ “معرکہ حق” میں واقعات اتنی تیزی سے پیش آئے کہ لوگ انہیں بھول سکتے ہیں، اس لیے ان واقعات کے حوالے سے ایک ریفرنس بک ضروری تھی۔

انہوں نے کہا کہ ایک رجحان یہ بھی رہا ہے کہ پاکستان میں جو کچھ ہوتا ہے، اس پر کتاب نیویارک یا لندن میں لکھی جاتی ہے۔ ہم نے اس رجحان کو توڑنے کی کوشش کی ہے اور ضروری ہے کہ پاکستان میں پیش آنے والے واقعات پر پاکستانی خود لکھیں۔

ایک سوال کے جواب میں مرتضیٰ سولنگی نے کہا کہ ہم نے اپنی کتاب میں یہ واضح کرنے کی کوشش کی ہے کہ بھارت کے ہندتوا نظریات ان واقعات کے ذمہ دار ہیں اور مستقبل میں بھی ایسے واقعات کا باعث بن سکتے ہیں۔

انہوں نے خبردار کیا کہ اس بات کا قوی امکان ہے کہ بھارت آئندہ دو سے تین ماہ میں دوبارہ مہم جوئی کرے، اور اگر موجودہ عالمی حالات کے پیش نظر وہ فوری جارحیت نہ بھی کرے تو آئندہ انتخابات سے قبل اس حوالے سے کوئی کارروائی کر سکتا ہے۔

یہ بھی پڑھیں: مرتضیٰ سولنگی اور احمد حسن العربی کی مشترکہ تصنیف میں ’معرکہ حق ‘ سے متعلق چونکا دینے والے انکشافات

پاکستان انڈیا جنگ پر کتاب، ’انڈیا آئندہ دو تین ماہ میں دوبارہ حملہ کر سکتا ہے‘: مرتضی سولنگی pic.twitter.com/h4eKxpxf54

— Independent Urdu (@indyurdu) August 11, 2025