بیرون ملک مقیم پاکستانیوں کیلئے سپریم کورٹ کا اہم اقدام

بیرونِ ملک مقیم پاکستانیوں کے لیے اچھی خبر ،  سپریم کورٹ آف پاکستان کی جانب سے اہم اقدام سامنے آگیا۔

سپریم کورٹ نے اوور سیز لٹیگنٹس فسیلیٹیشن سیل قائم کر دیا، جس سے اوور سیز پاکستانی واٹس ایپ اور آن لائن پورٹل کے ذریعے رجوع کر سکیں گے۔

اعلامیے کے مطابق  واٹس ایپ نمبر 03264442444 پر میسیج کے ذریعے رابطہ کیا جاسکتا ہے، صرف سپریم کورٹ سے متعلقہ کیسز کا ہی فسیلیٹیشن سیل میں اندراج ہو گا۔

یہ بھی پڑھیں:پاکستان سے افغان شہریوں کی واپسی میں تیزی، کیا رجسٹریشن کارڈ میں مزید توسیع ہوگی؟ اہم خبر سامنے آگئی

اوور سیز سائلین میں بیرونِ ملک مقیم ہر شخص شامل ہو گا، سیل کے ذریعے درخواستیں اور شکایات جمع کروائی جا سکیں گی۔

سپریم کورٹ میں جلد سماعت کی درخواست بھی سیل کے ذریعے دی جا سکے گی۔

سپریم کورٹ کے اعلامیے میں کہا گیا ہے کہ کیس کی معلومات اور فیصلوں کی تصدیق شدہ نقول آن لائن فراہم ہوں گی، تمام ریکارڈ ڈیجیٹل طور پر محفوظ ہو گا۔