By امریکا کے دارالحکومت واشنگٹن میں ہزاروں افراد سڑکوں پر نکل آئے اور صدر ڈونلڈ ٹرمپ کے اس فیصلے کے خلاف مارچ کیا جس کے تحت شہر کی سڑکوں پر فوجی اہلکار تعینات کیے گئے ہیں۔
اس احتجاج کا عنوان “وی آر آل ڈی سی رکھا گیا، جس میں مقامی افراد کے ساتھ ساتھ تارکینِ وطن اور فلسطین کے حامی مظاہرین نے بھی بھرپور شرکت کی۔
شرکاء نے ہاتھوں میں پلے کارڈز اٹھا رکھے تھے جن پر فری ڈی سی اور ٹرمپ مخالف نعرے درج تھے۔ مظاہرین نے حکومت سے مطالبہ کیا کہ فوجی تعیناتی کا فیصلہ فوری طور پر واپس لیا جائے۔
احتجاجی ریلی کے شرکاء کا کہنا تھا کہ یہ اقدام دراصل واشنگٹن پر قبضے کے مترادف ہے اور ایسا تاثر دیا جا رہا ہے جیسے عوامی سڑکوں کو فوجی کنٹرول میں دے دیا گیا ہو۔ ان کے بقول حکومت آمرانہ طرز کے فیصلے آزما رہی ہے جنہیں مستقبل میں دیگر شہروں میں بھی دہرا یا جا سکتا ہے۔
This is Washington DC right now. A huge protest has broken out and they’re walking to the White House to stand up against the federal takeover. People are FED UP with Trump. pic.twitter.com/nTNroEfobH
— Harry Sisson (@harryjsisson) September 6, 2025
