سرگودھا کے قریب پاک فضائیہ کا طیارہ گر کر تباہ، پائلٹ محفوظ

پاک فضائیہ کا ایک میراج طیارہ پیر کے روز تکنیکی خرابی کے باعث گر کر تباہ ہوگیا۔ حادثہ سرگودھا کے قریب پیش آیا تاہم طیارے کا پائلٹ محفوظ رہا ہے۔

حادثے کے بعد سوشل میڈیا پر مختلف افواہیں گردش کرنے لگیں جن میں کہا گیا کہ طیارے کا پائلٹ جاں بحق ہوگیا ہے، تاہم باوثوق ذرائع نے ان خبروں کی تردید کرتے ہوئے واضح کیا ہے کہ طیارے میں پیش آنے والی تکنیکی خرابی کے نتیجے میں یہ واقعہ رونما ہوا، لیکن پائلٹ کو کسی قسم کا جانی نقصان نہیں پہنچا۔

حادثے کے مقام پر ریسکیو ٹیموں نے فوری کارروائی کی اور علاقے کو گھیرے میں لے لیا تاکہ کسی قسم کا نقصان یا رکاوٹ پیدا نہ ہو۔ مقامی شہریوں نے بھی واقعے کے بعد ریسکیو کارروائی میں مدد فراہم کی۔

یہ بھی پڑھیں: پاک فضائیہ کے شہدا ءکی قربانیاں تاریخ کا روشن باب ہیں، شہباز شریف