ڈرائیونگ لائسنس بنوانے والوں کیلئے ایک اور اچھی خبر

اسلام آباد پولیس نے شہریوں کو بہتر لائسنسنگ سہولیات فراہم کرنے کے لیے فیض آباد ٹریفک آفس میں مزید 15 ڈیسک قائم کر دیے ہیں۔

چیف ٹریفک آفیسر (سی ٹی او) کے مطابق نئے ڈیسک شام 6 بجے عوام کے لیے فعال ہو جائیں گے، جس کے بعد شہری کم وقت میں لائسنسنگ کی خدمات حاصل کر سکیں گے۔

اس کے ساتھ ساتھ ٹریفک پولیس کی خدمت وینز بھی مختلف علاقوں میں جا کر لائسنس کی سہولت فراہم کر رہی ہیں۔

سی ٹی او کیپٹن (ر) حمزہ ہمایوں نے کہا کہ ہم اپنے شہریوں کو بہترین سہولیات فراہم کرنے کے لیے ہمیشہ کوشاں ہیں اور اس اقدام سے عوام کو لائسنسنگ میں مزید سہولت حاصل ہوگی۔

چیف ٹریفک آفیسر حمزہ ہمایوں نے ٹریفک دفتر فیض آباد آنے والے شہریوں سے ملاقات کی۔

ان کے مسائل سنے اور فوری حل کیلئے مناسب ہدایات جاری کرتے ہوئے ٹریفک سٹاف کے برتاؤ سے متعلق بھی شہریوں کے تاثرات جانیں۔#WeRIslamabadPolice #Islamabad #ITP pic.twitter.com/sp8jHJR4qz

— Islamabad Police (@ICT_Police) October 1, 2025

یہ بھی پڑھیں: ڈرائیونگ لائسنس بنوانے کے خواہشمند افراد کیلئے بڑی خوشخبری