گوگل نے نوجوانوں کے لیے کیریئر سرٹیفکیٹ اسکالرشپ پروگرام کا اعلان کیا ہے، جس کے ذریعے وہ جدید ہنر سیکھ کر عالمی معیار کے پروفیشنل سرٹیفکیٹس حاصل کر سکیں گے۔
اس پروگرام کا مقصد نوجوانوں کو ڈیجیٹل دور کی ضروریات کے مطابق مہارتوں سے آراستہ کرنا اور انہیں بہتر روزگار کے مواقع فراہم کرنا ہے۔
اس اسکالرشپ کے تحت کامیاب امیدواروں کو آئی ٹی سپورٹ، ڈیٹا اینالیٹکس، پروجیکٹ مینجمنٹ، ڈیجیٹل مارکیٹنگ، سائبر سیکیورٹی اور یو ایکس ڈیزائن جیسے اہم اور مانگ والے کورسز میں مفت تربیت دی جائے گی۔ تربیت کی مدت چھ ماہ ہوگی اور کامیابی کے بعد گوگل کی جانب سے سرٹیفکیٹ جاری کیا جائے گا۔
درخواست دہندگان کے لیے کسی سابق تعلیمی قابلیت یا تجربے کی شرط نہیں رکھی گئی، صرف سیکھنے کا جذبہ اور کورس مکمل کرنے کا عزم ہونا ضروری ہے۔ یہ تمام کورسز آن لائن پلیٹ فارم کورسیرا (Coursera) پر دستیاب ہوں گے۔
خواہشمند افراد کو مشورہ دیا گیا ہے کہ جلد از جلد درخواست دیں، کیونکہ کوئی آخری تاریخ مقرر نہیں کی گئی۔ مزید تفصیلات اور درخواست کے لیے گوگل کی آفیشل ویب سائٹ وزٹ کی جا سکتی ہے۔
By 
