پشاور میں پولیس موبائل کے قریب دھماکا

پشاور کے علاقے بھانہ ماڑی تھانے کی حدود میں پولیس موبائل کے قریب دھماکا ہوا۔ رپورٹس کے مطابق قمر دین چوک کے قریب پولیس موبائل کو آئی ای ڈی دھماکے کا نشانہ بنایا گیا۔

سی سی پی او پشاور ڈاکٹر میاں سعید احمد کے مطابق پولیس موبائل معمول کے گشت پر تھی کہ اچانک دھماکا ہوا، جس کے نتیجے میں 4 پولیس اہلکار زخمی ہوگئے۔

زخمی اہلکاروں کو فوری طور پر قریبی اسپتال منتقل کیا گیا۔ دھماکے کے بعد پولیس اور سیکیورٹی فورسز نے علاقے کو گھیرے میں لے کر شواہد اکٹھے کرنے کا عمل شروع کر دیا، جبکہ واقعے کے بعد علاقے میں خوف و ہراس پھیل گیا۔

واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی اور علاقے کو مکمل طور پر گھیرے میں لے لیا گیا، زخمی اہلکاروں کو فوری طور پر طبی امداد فراہم کی جا رہی ہے۔

یہ بھی پڑھیں: پشاور جلسے میں علی امین کیخلاف نعرے بازی پر عظمیٰ بخاری کا ردعمل سامنے آگیا