پنجاب حکومت نے گھریلو ملازمین کےلیئے نئے قواعدو ضوابط کی منظوری دیدی

پنجاب حکومت نے گھریلوملازمین کیلئےنئےقواعدوضوابط کی منظوری دیتے ہوئے نئی تجاویزقانون میں شامل کرلیں۔

تفصیلات کے مطابق پنجاب حکومت نے گھریلو ملازمین کیلئےنئےقواعدوضوابط کی منظوری دیتے ہوئے نئی  تجاویزقانون میں شامل کرلیں اور نئے قوانین کے تحت گھریلوملازمین کیلئے”فارم اے”پرباقاعدہ لیٹرآف ایمپلائمنٹ لازمی قرار دیا گیا ہے۔

نئے قوانین کے تحت گھریلوملازمین کیلئےصاف، محفوظ اور باعزت کام کی جگہ فراہم کرنا لازم قرار دیا گیا ہے اور اس کیساتھ ساتھ آجرپر پینے کے صاف پانی، آرام کی جگہ اور مناسب کھانے کی فراہمی کی ذمہ داری بھی یقینی بنانے کی منظوری دی گئی ہے۔

نئی مجوزہ تجاویز کے تحت گھریلو خواتین کیلئے ہلکے کام اور تحفظ کے خصوصی انتظامات کرنا لازم قرار دیا گیا ہے اور آجر کسی بھی اضافی کام کیلئے ملازم کی تحریری رضامندی حاصل کرے گا۔ نئی تجاویز کے تحت
اوور ٹائم کی حد ہفتے میں 8گھنٹے مقرر، 2گنی اجرت دینا ہوگی اورگھریلو ملازمین کیلئےسالانہ رخصت کا باقاعدہ ریکارڈ “فارم بی ” میں رکھا جائیگا۔

زچگی کی چھٹی کےدوران خاتون ملازمہ کو “فارم ڈی ” کے ذریعے نوٹس دینا ہوگا۔گھریلو ملازمین کیلئے42 اسکوائرفٹ کاکمرہ، روشنی، ہوا اور پرائیویسی لازمی قرار دی گئی ہے۔آجر کو ملازم کی صحت کا سرٹیفکیٹ “فارم ای ” کے ذریعے حاصل کرنا ہوگا۔حادثاتی اور اموات کی صورت میں “فارم ایف” اور “فارم جی ” کےذریعےرپورٹ دینالازم قرار دیا گیا ہے۔

ملازم کے ذاتی سامان کی واپسی نہ ہونے پر تنازعات کمیٹی سے رجوع کیا جاسکے گا۔
نئی تجاویز کے تحت یوسی کی سطح پر تنازعات حل کرنے کیلئے ڈسپیوٹ ریزولیوشن کمیٹی قائم فیصلہ کریگی اورتمام فارم محکمہ لیبر کی ویب سائٹ پر حاصل کیے جاسکیں گے۔