نیب خیبر پختونخوا کی بڑی کارروائی،قیصر اقبال گرفتار،اربوں روپے کی کرپشن کا انکشاف

قومی احتساب بیورو (نیب) خیبر پختونخوا نے پاکستان کے بڑے مالیاتی اسکینڈلز میں سے ایک کے مبینہ ماسٹر مائنڈ قیصر اقبال کو گرفتار کر لیا ہے۔

نیب ذرائع کے مطابق ملزم قیصر اقبال، جو محکمہ مواصلات و تعمیرات میں کلرک کے طور پر ملازم تھا اور بعد ازاں ہیڈ کلرک کے عہدے پر ترقی پا گیا پر الزام ہے کہ اس نے جعلی بلز اور چیکس تیار کر کے سرکاری فنڈز میں اربوں روپے کی خو ردبرد کی۔

یہ خبر بھی پڑھیں :کوہستان کرپشن اسکینڈل : 9 ملزمان نے نیب کو پلی بارگین کیلئے درخواستیں دے دیں

نیب حکام کے مطابق کارروائی کے دوران سونا، غیر ملکی کرنسی، لگژری گاڑیاں اور اربوں روپے مالیت کی جائیداد کی دستاویزات برآمد کیے گئے ہیں۔

قیصر اقبال اور ان کی اہلیہ کو جسمانی ریمانڈ پر نیب کی تحویل میں دیا گیا ہے ادارے نے اپنی تحقیقات کا دائرہ سرکاری اہلکاروں، بینک افسران اور ٹھیکیداروں تک بڑھا دیا ہے تاکہ بدعنوانی کے پورے نیٹ ورک کو بے نقاب کیا جا سکے۔