پاکستان کرکٹ بورڈ نے راولپنڈی کرکٹ اسٹیڈیم کا نام تبدیل کرنے کے لیے باضابطہ اقدامات شروع کر دیے ہیں اور اس مقصد کے لیے تجارتی کمپنیوں سے ٹینڈرز طلب کر لیے گئے ہیں۔
یہ اقدام پی سی بی کی اس پالیسی کا حصہ ہے جس کا مقصد کرکٹ کے میدانوں سے آمدن میں اضافہ اور اسپانسر شپ کے ذریعے مالی وسائل کو مستحکم کرنا ہے۔
یاد رہے کہ اس سے قبل کراچی کے نیشنل اسٹیڈیم کا نام تبدیل کرکے نیشنل بینک کرکٹ ایرینا رکھا گیا تھاجو پی سی بی کے اسی منصوبے کا پہلا مرحلہ تھاراولپنڈی کے بعد دیگر شہروں کے اسٹیڈیمز کے ناموں کے حقوق بھی فروخت کیے جانے کا امکان ہے۔
یہ خبر بھی پڑھیں :راولپنڈی میں پاکستان اورجنوبی افریقہ کے ٹیسٹ میچ کے لیے ٹریفک پلان جاری
دنیا بھر میں کھیلوں کے بڑے میدانوں کو مختلف اسپانسرز کے ساتھ منسلک کیا جانا ایک عام رجحان بن چکا ہے پی سی بی کا یہ اقدام بھی اسی بین الاقوامی پریکٹس کے مطابق ہے جس کے ذریعے بورڈ کو تجارتی مواقع بڑھانے اور مالی طور پر خودمختار بنانے کی کوشش کی جا رہی ہے۔
راولپنڈی کرکٹ اسٹیڈیم ملک کے نمایاں بین الاقوامی میدانوں میں سے ایک ہے جہاں کئی تاریخی میچز کھیلے جا چکے ہیںاب اس اسٹیڈیم کے نئے نام کے اعلان کا شائقین کرکٹ کو بے چینی سے انتظار ہے۔
By 
