آزاد کشمیر میں نیا وزیر اعظم کون ہوگا؟تین نام سامنے آگئے

آزاد کشمیر میں سیاسی ہلچل تیز، نئے وزیراعظم کے لیے پیپلز پارٹی نے تین نام فائنل کر لیے چوہدری یاسین، سردار یعقوب اور چوہدری لطیف اکبر۔

ذرائع کے مطابق پارٹی قیادت جلد حتمی امیدوار کا اعلان کرے گی پیپلز پارٹی آزاد کشمیر میں حکومت کی تبدیلی کے لیے سرگرم ہے اور وزیراعظم کے مستعفی نہ ہونے کی صورت میں آئندہ 72 گھنٹوں میں تحریکِ عدم اعتماد لانے کا فیصلہ کیا گیا ہے۔

وزیراعظم آزاد کشمیر کی رخصتی طے، پیپلز پارٹی کاتحریک عدم اعتماد لانے کا فیصلہ
پارٹی رہنماؤں کا کہنا ہے کہ پیپلز پارٹی کے پاس تحریکِ عدم اعتماد کامیاب کرانے اور اپنی حکومت قائم کرنے کے لیے درکار اراکین کی مکمل حمایت موجود ہے۔

چوہدری یاسین نے ایوانِ صدر میں اجلاس کے بعد میڈیا سے گفتگو کرتے ہوئے بتایا کہ آزاد کشمیر کی سیاسی صورتحال پر تفصیلی غور کیا گیا اور منگل کو دوبارہ اجلاس طلب کیا گیا ہے

یہ خبر بھی پڑھیں :؍پیپلزپارٹی کی وزیراعظم شہباز شریف کیخلاف تحریک عدم اعتماد لانے کی دھمکی
ان کا کہنا تھا کہ نئے وزیراعظم کے امیدوار کا اعلان پارٹی قیادت خود کرے گی بلاول بھٹو زرداری اور پارٹی قیادت کی مشاورت کے بعد ایک نام کو حتمی منظوری دی جائے گی۔

پیپلز پارٹی کے رہنماؤں نے کہا ہے کہ ان کا مقصد آزاد کشمیر میں ایک مضبوط، عوامی اور اتحادی حکومت قائم کرنا ہے جو خطے کے سیاسی استحکام میں مؤثر کردار ادا کرے۔