ڈونلڈ ٹرمپ نے پاک فضائیہ کے ہاتھوں تباہ بھارتی طیاروں کی تعداد بڑھا دی، جاپان میں پھر جنگ کا ذکر چھیڑدیا

امریکی صدر ڈونلڈ ٹرمپ نے ایک بار پھر پاک بھارت کشیدگی سے متعلق حیران کن بیان دیتے ہوئے کہا ہے کہ اُنہوں نے پاکستان اور بھارت کے درمیان ممکنہ جنگ کو ‘ٹیرف اور تجارتی دباؤ’ کے ذریعے روکا، اس جنگ کے دوران بھارت کے ’7نئے اور خوبصورت طیارے مار گرائے گئے تھے‘۔

جنوبی کوریا کے شہر میں اے پی ای سی کے سی ای او سربراہی اجلاس سے خطاب کے دوران ڈونلڈ ٹرمپ نے کہا کہ اُنہوں نے زیادہ تر جنگوں کو تجارتی پالیسیوں اور ٹیرف کے ہتھیار سے روکا۔ اُن کے مطابق، ’میں نے دنیا کی بڑی خدمت کی، کیونکہ جنگوں کو روکنے میں 70 فیصد کردار تجارت کا ہوتا ہے‘۔

یہ بھی پڑھیں:رسوائی بھارت کا پیچھا نہیں چھوڑے گی، ڈونلڈ ٹرمپ نے 5 بھارتی لڑاکا طیاروں کی تباہی کا ذکر پھر چھیڑدیا

امریکی صدر کا کہنا تھا کہ جب پاکستان اور بھارت کے درمیان کشیدگی بڑھ رہی تھی، تو اُنہوں نے بھارتی وزیراعظم نریندر مودی اور پاکستان میں ’فیلڈ مارشل‘ سے براہِ راست بات کی۔ ڈونلڈ ٹرمپ نے کہا کہ پاکستان کے وزیرِاعظم ایک بڑے رہنما ہیں اور فیلڈ مارشل عاصم منیر ایک عظیم جنگجو ہیں۔ جنہوں نے بھارت کے 7 طیارے مار گرائے گئے تھے۔

Trump:

Seven brand new beautiful planes were shot down during the Pakistan-India clash. pic.twitter.com/ePITP9oKNR

— Clash Report (@clashreport) October 28, 2025

ٹرمپ کے بقول ’میں نے دونوں سے کہا کہ اگر تم نے جنگ کی، تو امریکا تم سے تجارت نہیں کرے گا۔ صرف 24 گھنٹے کے اندر دونوں ملکوں نے پیچھے ہٹنے کا فیصلہ کرلیا‘۔

ٹرمپ نے کہا کہ دونوں ملک ایٹمی طاقت رکھتے ہیں اور ایسی کسی جنگ کے نتیجے میں ’لاکھوں لوگ مارے جاتے اور تابکاری اثرات پوری دنیا پر پھیل جاتے‘۔

انہوں نے مزید کہا کہ ’ہم نے اپنا دماغ استعمال کیا۔ وہ دونوں امریکا کے ساتھ تجارت کرنا چاہتے تھے، اس لیے بہت جلد وہ مذاکرات اور معاہدوں کے قابل ہوگئے۔ یہ حیران کن تھا کہ یہ سب کتنی تیزی سے ہوا‘۔

مزید پڑھیں:ٹرمپ کے بیان نے مودی سرکار کے جھوٹے بیانیے کو عالمی برادری کے سامنے بے نقاب کر دیا

یاد رہے کہ 2019 پلواما حملے کے بعد بھارت اور پاکستان کے درمیان شدید کشیدگی پیدا ہوئی تھی، جس دوران بھارتی فضائیہ کی کارروائیوں کے جواب میں پاکستان نے 2 بھارتی طیارے مار گرائے تھے اور ایک بھارتی پائلٹ کو گرفتار کیا تھا۔ تاہم ڈونلڈ ٹرمپ کے تازہ بیان میں 7 طیاروں کے دعوے نے ایک بار پھر بھارت کے دعوؤں کی صداقت پر سوال اٹھا دیے ہیں۔

اُن کے اس بیان نے عالمی میڈیا اور سوشل پلیٹ فارمز پر ایک نئی بحث چھیڑ دی ہے کہ آخر ٹرمپ کن ’7 طیاروں‘ کا ذکر کر رہے تھے؟