سٹاک مارکیٹ میں زبردست تیزی، انڈیکس ایک لاکھ 61 ہزار کی حد عبور کرگیا

سرمایہ کاروں کا اعتماد بحال ہونے کے بعد پاکستان سٹاک ایکسچینج میں آج زبردست تیزی کا رجحان رہا ، جس کے بعد انڈیکس نے ایک بار پھر ایک لاکھ، 61 ہزار  کی حد عبور کر لی۔

تفصیلات کے مطابق کاروباری ہفتے کے پہلے روز کاروبار کے آغاز پر اسٹاک ایکسچینج میں زبردست تیزی دیکھنے میں آئی، 100 انڈیکس 1400 سے زائد پوائنٹس کے اضافے کے ساتھ ایک لاکھ 61 ہزار 72 پوائنٹس کی سطح پر پہنچ گیا۔

اسٹاک مارکیٹ میں تیزی سے سرمایہ کاروں کو اربوں روپے کا فائدہ ہوا۔

یہ بھی پڑھیں:پاکستان اسٹاک ایکسچینج نےکاروبارشروع ہوتے ہی نئی تاریخ رقم کردی

واضح رہے گزشتہ کاروباری ہفتے کے آخری روز کاروبار کے اختتام پر ہنڈرڈ انڈیکس 496 پوائنٹس اضافے کیساتھ ایک لاکھ 59 ہزار 592 پوائنٹس کی سطح پر بند ہوا تھا۔

دوسری جانب ڈالر کی قیمت میں اتار چڑھاؤ کا سلسلہ جاری ہے ، ایکسچینج کمپنیز ایسوسی ایشن کے مطابق انٹر بینک میں 2 پیسے کی کمی سے ڈالر کی قیمت 280 روپے 80 پیسے ہو گئی ہے۔

’پی ایس ایکس‘ کی تاریخی کارکردگی معاشی اشاریوں میں بہتری اور خاص طور پر بینکنگ سیکٹر کی مضبوط کارکردگی کے باعث سرمایہ کاروں کے اعتماد میں اضافے کی عکاسی کرتی ہے۔

یہ خبر بھی پڑھیں :پاکستان اسٹاک ایکسچینج میں زبردست تیزی، ایک لاکھ 57 ہزار کی حد بحال

ماہرین کے مطابق حکومتی معاشی اقدامات، مہنگائی میں کمی اور بیرونی زرمبادلہ کے ذخائر میں بہتری نے مارکیٹ کے اعتماد کو مضبوط کیا ہے۔