By امریکی صدر ڈونلڈ ٹرمپ سے وائٹ ہاؤس میں نیویارک کے نو منتخب میئر ظہران ممدانی کی ملاقات ہوئی، اس دوران مشترکہ امور پر تبادلہ خیال کیا گیا تاہم امریکی صدر نے واضح کیا کہ ملاقات میں نیتن ہایو کی گرفتاری پر بات نہیں ہوئی۔
تفصیلات کے مطابق امریکی صدر نے نیو یارک کے نو منتخب میئر ظہران ممدانی سے ملاقات کے بعد میڈیا سےگفتگو کرتے ہوئےکہا کہ ظہران ممدانی سے اچھی اور مؤثر ملاقات رہی، امید ہے ممدانی نیویارک میں معاملات بہتر انداز میں چلائیں گے اور ہم ان کی معاونت کریں گے، ہر ممکن مدد کریں گے تاکہ یہ لوگوں کی امیدوں پر پورا اترسکیں۔
ٹرمپ نے کہا ظہران ممدانی نیویارک کے معاملات جتنے بہتر انداز میں چلائیں گے میں اتنا ہی خوش ہوں گا۔ صدر ٹرمپ نے نیتن یاہو کی گرفتار ی سے متعلق ایک سوال کا جواب دیتے ہوئے کہا کہ ظہران ممدانی نیتن یاہو کو گرفتار کریں گے یا نہیں، اس پر بات نہیں ہوئی۔
مزید پڑھیں: امریکی عدالت سے صدر ٹرمپ کو ایک اور جھٹکا مل گیا
