By الیکشن ٹریبونل نے بلوچستان اسمبلی کی نشست پی بی 45 سے پاکستان پیپلزپارٹی (پی پی پی) کے رکن کے انتخاب کو کالعدم قراردیدیا۔
تفصیلات کے مطابق بلوچستان ہائی کورٹ کے جج عبداللہ بلوچ پر مشتمل الیکشن ٹریبونل نے جمعیت علمائے اسلام(جے یو آئی )کے امیدوار محمد عثمان پرکانی کی درخواست پرمحفوظ فیصلہ سناتے ہوئے علی مدد جتک کی فتح کو کالعدم قراردے دیا۔
یہ بھی پڑھیں: تحریک انصاف کا لاہور میں جلسے کی اجازت کیلئے ہا ئی کورٹ سے رجوع
حلقے کے 15پولنگ سٹیشنز پر دوبارہ انتخاب کروانے کا حکم دے دیا۔ پیپلز پارٹی کے رہنما بلوچستان حکومت میں صوبائی وزیر زراعت تھے، اُن کی کامیابی کو جے یو آئی کے اُمیدوار عثمان پرکانی نے ٹریبونل میں چیلنج کیا تھا۔
یہ بھی پڑھیں:مجوزہ آئینی ترامیم: مولانا فضل الرحمان نے سب کو گھر کا راستہ دکھایا ہے ،شیخ رشید احمد
دوسری طرف بلوچستان اسمبلی کے حلقہ پی بی 36 قلات میں ٹربیونل کے فیصلے کیخلاف ضیا ءاللہ لانگو کی اپیل پر سپریم کورٹ میں سماعت ہوئی جس پر عدالت نے اپیل کو مسترد کرتے ہوئے الیکشن ٹریبونل کے فیصلے کو برقرار رکھا اور ضیا ء اللہ لانگو سے لی گئی جرمانے کی رقم ایدھی فاؤنڈیشن کو دینے کا حکم جاری کردیا۔
