لاہور میں جلسے کی اجازت نہ دی گئی تو جلسے کو احتجاج میں بدل دیں گے : بانی پی ٹی آئی عمران خان

بانی پی ٹی آئی عمران خان نے اڈیالہ جیل میں میڈیا سے غیر رسمی بات چیت کرتے ہوئے کہا ہے کہ لاہور میں جلسے کی اجازت نہ دی گئی تو جلسے کو احتجاج میں بدل دیں گے ۔

تفصیلات کے مطابق بانی پی ٹی آئی عمران خان نے کارکنوں کو پیغام دیا ہے کہ اگر لاہور جلسے کی اجازت نہ دی جائے تو جلسے کو احتجاج میں بدل دیا جائے، انہوں نے کہا کہ لاہور میں ڈیڑھ سال سے جلسہ نہیں کرنے دیا جا رہا ہے۔ بانی پی ٹی آئی نے کہا کہ جمہوریت تباہ کرنے کا مطلب آزادی ختم کرنا ہوتا ہے ، بانی پی ٹی آئی نے کہا کہ جلسہ کرنا ہمارا آئینی حق ہے اورسپریم کورٹ جمہوریت اور آزادی کو بچانے کے لیے مینار پاکستان پر جلسہ ہوگا ، انہوں نے کہا کہ الیکشن سے پہلے بھی جلسہ نہیں کرنے دیا گیا اور اب بھی پھر روکا جا رہا ہے ۔

مزید پڑھیں: پولیس کا لاہور جلسے سے قبل پی ٹی آئی کیخلاف بڑا کریک ڈائون

اسلام آباد کے جلسہ کو ملتوی کرنے کے لیئے پاکستان کا حوالہ دیا گیا جس پر ہم نے جلسہ ملتوی کیا اور گارنٹی کے باوجود اسلام اباد کے جلسے میں کنٹینرز لگائے گئے رکاوٹیں کھڑی کی گئیں ۔ انہوں نے کہا کہ دنیا میں کیا کبھی کسی نے جلسہ ختم کرنے کا وقت دیا ہے ؟ اسلام آباد کے جلسے سے متعلق ہمارے ساتھ دھوکہ کیا گیا اورلاہور کے ڈپٹی کمشنر نے اگر جلسے کی اجازت نہ دی تو مینار پاکستان پر احتجاج کریں گے ۔ملک کی تاریخ میں پہلی حکومت ہے جو ننگی ہو کر اتنی بے نقاب ہوئی ہے،یہ جمہوریت کی تباہی کر رہے ہیں ۔ بانئ پی ٹی آئی نے کہا کہ مشرف کے مارشل لاء دور میں بھی ایسا نہیں تھا جو اب کیا جارہا ہے ۔مشرف کا الیکشن انکے مقابلے میں فری اینڈ فیئر تھا ۔ عمران خان نے کہا کہ مشرف نے بھی میڈیا اور جلسوں پر پابندی نہیں لگائی ۔انہوں نے کہا کہ قاضی فائز عیسیٰ اور چیف الیکشن کمشنر ملکر دھاندلی کر رہے ہیں۔

مززید پڑھیں: پی ٹی آئی لاہور جلسہ : لاہور ہائی کورٹ نے چیف سیکرٹری پنجاب، آئی جی اور ڈپٹی کمشنر کو طلب کر لیا

بانی پی ٹی آئی نے کہا کہ الیکشن کمیشن بال کراتا ہے،قاضی فائز کیچ پکڑتا ہے۔انکی جو بھی درخواستیں ہیں وہ سنی جارہی ہیں اور ہماری مسترد ہو رہی ہیں ۔
بانی پی ٹی آئی نے کہا کہ کمشنر کے بیان پر تفتیش تو ہونا چاہیئے تھی یہ بھی ہو سکتا ہے وہ غلط ہو ۔یہ نہیں ہونا چاہیئے کہ کمشنر کے بیان کی تحقیقات کے بجائے اسے غائب کر دیا جائے۔ بانی پی ٹی آئی نے کہا کہ 8 فروری کے الیکشن میں انکی ضمانتیں ضبط ہوئی تھیں اور اب فراڈ کو کور کرنے کیلئے 4ایمپائرزکو ساتھ ملا کر یہ سب کیا جارہا ہے ۔

مزید پڑھیں: پولیس نے تحریک انصاف کے 42 رہنماؤں کو نظر بند کروانے کے لئے فہرست بنا لی

بانی پی ٹی آئی نے کہا کہ حمودالرحمان کمیشن رپورٹ کی بات اس لیئے کرتا ہوں کیونکہ آج بھی ملک میں وہی حالات ہیں ۔ ملک کے یہ حالات مشرف اور ضیاء الحق کے دور میں بھی نہیں تھے اس وقت بھی پورا مشرقی پاکستان مجیب کے ساتھ کھڑا تھا ۔یحیی خان نے اپنی ذات اور اقتدار کیلئے مجیب کے خلاف ایکشن لیا
8 فروری کے الیکشن میں واضح ہو گیا تھا کہ قوم کہاںکھڑی ہے ۔ انہوں نے کہا کہ قوم ایک طرف کھڑی ہے اور چھوٹا سا صاحب اقتدار طبقہ جمہوریت اور سپریم کورٹ کو اپنے اقتدار کیلئے تباہ کررہے ہیں۔