ڈاکٹر ذاکر نائیک کب پاکستان پہنچیں گے ؟ ممکنہ مہینہ سامنے آگیا

معروف مذہبی سکالر ڈاکٹر ذاکر نائیک، شیخ فاروق نائیک کے ہمراہ رواں سال پاکستان کا دورہ کریں گے ۔

تفصیلات کے مطابق سماجی رابطوں کی ’’ویب سائٹ ایکس‘‘ پر ڈاکٹر ذاکر نائیک کے آفیشل اکاؤنٹ سے کی گئی ایک پوسٹ میں اعلان کیا گیا کہ حکومت پاکستان کی دعوت پر وہ اور شیخ فارق نائیک پاکستان کا دورہ کریں گے۔

یہ بھی پڑھیں:حکومت نے کتنے آئی پی پیز بند کرنے کا فیصلہ کر لیا؟بڑی خبر آ گئی

سوشل میڈیا کی پوسٹ میں ڈاکٹر ذاکر نائیک کے دورہ پاکستان کا شیڈول بھی درج تھا جس میں بتایا گیا ہے کہ وہ کراچی، لاہور اور اسلام آباد میں عوامی اجتماعات سے خطاب بھی کریں گے۔

شیڈول کے مطابق ڈاکٹر ذاکر نائیک 5-6 اکتوبر کو کراچی، 12-13 اکتوبر کو لاہور ،19 اور 20 اکتوبر کو اسلام آباد میں خطاب کریں گے۔ ان کے خطاب مذہبی ٹی وی چینل پیس ٹی وی سے براہ راست نشر کئے جائیں گے۔

یہ بھی پڑھیں:لاہور جلسے کا این او سی مل گیا ، بیرسٹر گوہر کی عوام سے بھرپور شرکت کی اپیل

واضح رہے کہ اس سے قبل پاکستانی یوٹیوبر نادر علی کے پوڈکاسٹ میں ڈاکٹر ذاکر نائیک نے جلد ہی پاکستان کا دورہ کرنے کی خواہش کا اظہار کیا تھا۔ ان کا کہنا تھا کہ انہوں نے 2020 میں پاکستان کے دورے پلان تھا تاہم کورونا وباء کی وجہ سے وہ پاکستان نہیں آسکے تھے۔ ڈاکٹر ذاکر نائیک کا کہنا تھا کہ وہ اب دوبارہ پاکستان کے دورے کی منصوبہ بندی کررہے ہیں۔