پاکستان میں 31 جنوری سے یکم فروری کے درمیان بارش برسانے والا نیا سسٹم داخل ہونے کا امکان ہے۔
محکمہ موسمیات نے پیشنگوئی کی ہے کہ اس سسٹم کے اثرات سے پنجاب بھر میں موسم میں ٹھنڈک آئے گی اور بارش کی توقعات بھی ہیں،خاص طور پر لاہور اور اپر پنجاب کے بعض اضلاع میں ہلکی بارش ہو سکتی ہے۔
محکمہ موسمیات کے مطابق اس وقت صوبہ پنجاب میں خشک موسم کا سلسلہ جاری ہے ،جس کے نتیجے میں درجہ حرارت میں بتدریج اضافہ ہو رہا ہے۔ اس خشک موسم کی وجہ سے دن قدرے گرم محسوس ہو رہے ہیں اور راتیں ٹھنڈی رہ رہی ہیں۔
ماہرین کا کہنا ہے کہ اس سال موسمی تبدیلیوں کی وجہ سے سردیوں کا دورانیہ مختصر رہا ہے، جس کے باعث سردی کے اثرات پہلے کی نسبت کم محسوس ہوئے ہیں۔محکمہ موسمیات نے بتایا کہ 31 جنوری اور یکم فروری کے درمیان آنے والا بارش برسانے والا سسٹم درجہ حرارت میں کمی کا باعث بنے گا اور موسم دوبارہ ٹھنڈا ہو جائے گا۔
اس سسٹم کے تحت بارش ہونے سے نہ صرف موسم میں ٹھنڈک آئے گی بلکہ درجہ حرارت بھی کم ہوگا۔آج لاہور میں کم سے کم درجہ حرارت 7 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 24 ڈگری سینٹی گریڈ تک جانے کے امکانات ہیں۔
محکمہ موسمیات کا کہنا ہے کہ بارش کے بعد پنجاب میں موسم مزید خوشگوار ہو جائے گا اور سردیوں کا اثر دوبارہ محسوس ہوگا۔مجموعی طور پرمحکمہ موسمیات نے عوام کو آگاہ کیا ہے کہ 31 جنوری اور یکم فروری کے دوران بارشوں کی توقعات ہیں، جس سے موسم میں متوقع تبدیلیوں کے حوالے سے لوگ تیاری کر سکتے ہیں۔
By 
