سونے کی قیمت میں کمی

ملک میں آج سونے کی فی تولہ قیمت میں مزید کمی ہوگئی۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 800 روپے جبکہ دس گرام سونے کی قیمت میں 686 روپے کی کمی ہوئی۔سونے کی فی تولہ نئی قیمت 3 لاکھ 8 ہزار700 روپے فی تولہ ہوگئی جبکہ دس گرام سونے کی قیمت 2 لاکھ 64 ہزار 660 روپے ہوگئی۔

مزید پڑھیں: روپے کے مقابلے میں ڈالر کی قدر میں اضافہ

اسی طر ح دس گرام 22 قیرات سونے کی قیمت میں 629 روپے کمی ہوئی جس کے بعد نئی قیمت 2 لاکھ 42 ہزار613 روپے پر آگئی۔ دوسری جانب عالمی منڈی میں فی اونس سونے کی قیمت میں 8 ڈالر کی کمی دیکھنے میں آئی جس کے بعد فی اونس سونا 2940 ڈالر پر آگیا۔ مقامی مارکیٹ میں چاندی کی قیمت میں 45 روپے کی کمی ہوئی جس کے بعد چاندی فی تولہ 3350 روپے ہوگئی۔