وزیراعظم شہباز شریف نے افراط زر میں مسلسل کمی پر اظہار اطمینان کیا اور کہا کہ عوام کو سستی اشیاء کی فراہمی اولین ترجیح ہے۔
وزیراعظم شہباز شریف نے کنزیومر پرائس انڈیکس کے حوالے سے افراط زر میں مسلسل کمی پر اطمینان کا اظہار کیا ہے، وزیراعظم نے کہا کہ موجودہ حکومت اپنا ایک سال پورا کر رہی ہے اس موقع پر یہ ایک انتہائی اچھی خبر ہے۔
وزیر اعظم نے کہا کہ یہ امر انتہائی خوش آئند ہے کہ افراط زر فروری 2025 میں 1.5 فیصد پر آگئی جو ستمبر 2015 کے بعد سب سے کم شرحِ افراط زر ہے۔ انہوں نے کہا کہ جولائی 2024ء سے فروری 2025ء تک افراط زر کی اوسط 5.9 فیصد تک رہی جبکہ پچھلے مالی سال میں اسی عرصہ میں یہ اوسط 28 فیصد تھی یہ ایک نمایاں کمی ہے۔
ان کا کہنا تھا کہ حکومتی معاشی ٹیم کی شاندار کاوشوں کی وجہ سے معاشی اعشاریئے ہر گزرتے دن کے ساتھ بہتر ہو رہے ہیں، معیشت کی بہتری، کاروبار اور سرمایہ کاری کے فروغ کیلئے تمام ادارے مل کر کام کر رہے ہیں۔
انہوں نے کہا کہ عوام کو سستی اشیاء کی فراہمی اولین ترجیح ہے، میکرو اکنامک معاشی بہتری کا فائدہ عوام تک پہنچنا شروع ہو گیا ہے۔ انہوں نے افراط زر میں مزید کمی کی امید ظاہر کی۔
By 
