سونے کی فی تولہ قیمت میں مزید اضافہ

عالمی اور مقامی مارکیٹوں میں سونا آج مزید مہنگا ہوگیا۔

تفصیلات کے مطابق بین الاقوامی مارکیٹ میں فی اونس سونے کی قیمت میں 5 ڈالر کا اضافہ ہوا اور سونے کی فی اونس قیمت 3 ہزار27 ڈالر کی سطح پر آگئی۔

عالمی مارکیٹ میں سونے کی قیمتوں میں اضافے کے بعد ملک میں سونے کی فی تولہ قیمت میں 600 روپے کا اضافہ ہوا، اضافے کے بعد سونے کی نئی قیمت 3 لاکھ 18 ہزار600 روپے کی سطح پرآگئی۔ اسی طرح دس گرام سونے کی قیمت 515 روپے بڑھ کر 2 لاکھ 73 ہزار 148 روپے ہوگئی۔

مزید پڑھیں: وزیراعظم نے بجلی کی قیمتوں اور سولر پالیسی سے متعلق بڑی خوشخبری سنادی

دوسری جانب انٹر بینک میں روپیہ مزید کمزورہو گیا، ڈالر کی قدر میں اضافہ ہو گیا۔

انٹر بینک میں کاروبار کے اختتام پر ڈالر 10 پیسے مہنگا ہو کر 280 روپے 36 پیسے کی سطح پر بند ہوا۔اوپن مارکیٹ میں ڈالر قیمت میں کمی ہوئی، 04 پیسے سستا ہونے کے بعد ڈالر 282 روپے 02 پیسے کا ہو گیا۔