چیف آف ڈیفنس فورسز، فیلڈ مارشل سید عاصم منیر سے انڈونیشیا کے صدر کی ملاقات،دفاع سمیت اہم امور پر تبادلہ خیال

 چیف آف ڈیفنس فورسز، فیلڈ مارشل سید عاصم منیر سے انڈونیشا کے صدر کی اہم  ملاقات ہوئی ہےملاقات میں دفاع سمیت اہم امور پر تبادلہ خیال کیا گیا،چیف آف ڈیفنس فورسز فیلڈ مارشل سید عاصم منیر نے اسلام آباد میں انڈونیشیا کے صدر ابووو سبیانتو سے ملاقات کی۔

ملاقات کے دوران باہمی دلچسپی کے امور، علاقائی سلامتی کی صورتحال اور دوطرفہ دفاعی تعاون پر تفصیلی تبادلۂ خیال کیا گیا۔ دونوں رہنماؤں نے اس عزم کا اعادہ کیا کہ پاکستان اور انڈونیشیا کی مسلح افواج کے درمیان موجود دوستانہ تعلقات کو مزید مضبوط اور وسعت دی جائے گی۔

یہ بھی پڑھیں :فیلڈ مارشل سید عاصم منیر کی بطور چیف آف ڈیفنس فورسز تقرری ہوگئی،قوم کو مبارک،فیصل واوڈا

معزز مہمان نے پاک فوج کی پیشہ ورانہ صلاحیتوں کو سراہا اور علاقائی امن و استحکام کے فروغ میں پاکستان کے کردار کو اہم قرار دیا۔

چیف آف ڈیفنس فورسز، فیلڈ مارشل وچیف آف آرمی اسٹاف  سید عاصم منیر  نے اس بات پر زور دیا کہ پاکستان انڈونیشیا کے ساتھ دیرینہ تعلقات کو قدر کی نگاہ سے دیکھتا ہے اور تربیت، انسداد دہشت گردی اور استعداد کار میں اضافہ جیسے شعبوں میں دفاعی تعاون کو مزید بڑھانے کا خواہاں ہے۔