تیس لاکھ ایڈوانس، ہنڈائی نے پاکستان کیلئے اپنی اہم ترین لگژری گاڑی کی قیمت جاری کردی

ہنڈائی نشاط موٹرز کی جانب سے Hyundai Palisadeکی لانچنگ نے پاکستان کی لگژری ایس یو وی (SUV) مارکیٹ میں ایک نیا تلاطم پیدا کر دیا ہے۔

پاکستان کی نئی لگژری جائنٹ: ہنڈائی ‘پیلی سیڈ’ (Palisade) باقاعدہ لانچ، قیمتیں سامنے آگئیں

لاہور (آٹو ڈیسک)ہنڈائی نشاط موٹرز نے پاکستان میں اپنی سب سے بڑی اور پرتعیش ایس یو وی “Hyundai Palisade” کی قیمتوں کا باقاعدہ اعلان کر دیا ہے۔ اپنی مضبوط جسامت اور جدید ترین ٹیکنالوجی کی بدولت یہ گاڑی اب ٹویوٹا لینڈ کروزر اور فارچیونر جیسے حریفوں کے لیے ایک بڑا چیلنج بن کر سامنے آئی ہے۔

کمپنی نے اس شاہکار کو دو مختلف کیٹیگریز میں متعارف کروایا ہے:

Variant Palisade Smart کروڑ 10 لاکھ روپے, بکنگ اماؤنٹ 30 لاکھ روپے
Variant Palisade Calligraphyکروڑ 30 لاکھ روپے, بکنگ اماؤنٹ 30 لاکھ روپے

واضح رہے کہ مذکورہ بالا قیمتیں ایکس فیکٹری ہیں۔ خریداروں کو حتمی قیمت میں درج ذیل اضافی ٹیکسز ادا کرنے ہوں گے:

* سی وی ٹی (CVT)
* این ای وی (NEV) لیوی
* ایڈوانس انکم ٹیکس (جو فائلر اور نان فائلر کے حساب سے مختلف ہوگا)

ہنڈائی پیلی سیڈ کی خاص باتیں:

پریمیم ڈیزائن: یہ ایک فل سائز 7 سے 8 سیٹر ایس یو وی ہے جو اپنی وسیع جگہ (Space) اور آرام دہ سفر کے لیے جانی جاتی ہے۔
جدید فیچرز:گاڑی میں جدید ترین انفوٹینمنٹ سسٹم، ملٹی زون کلائمیٹ کنٹرول، اور سیفٹی کے لیے ہنڈائی کا مخصوص ‘اسمارٹ سینس’ (SmartSense) پیکج شامل ہے۔
طاقتور انجن: پاکستان میں اسے طاقتور انجن کے ساتھ متعارف کرایا گیا ہے جو آف روڈنگ اور لانگ روٹس کے لیے بہترین کارکردگی فراہم کرتا ہے۔

مزید پڑھیں:پاکستان میں چینی برانڈ کی جدید ٹیکنالوجی سے لیس گاڑی لانچ، گاڑیوں کے شوقین افراد کے لیے بڑی خبر

آٹو ماہرین کے مطابق، 2 کروڑ سے زائد کی قیمت کے باوجود، پیلی سیڈ ان لوگوں کے لیے ایک پرکشش انتخاب ہے جو لینڈ کروزر جیسے پریمیم احساس کو نسبتاً کم قیمت اور نئی گاڑی کی وارنٹی کے ساتھ حاصل کرنا چاہتے ہیں۔

30 لاکھ روپے کی ایڈوانس بکنگ اس بات کی عکاسی کرتی ہے کہ کمپنی اس گاڑی کے لیے سنجیدہ خریداروں کو ہدف بنا رہی ہے۔