By رکی پونٹنگ نے کہا ہے کہ بھارتی کرکٹ ٹیم کی کوچنگ کیلئے مجھ سے رابطہ کیا گیا ، میں نے صاف انکار کر دیا ۔
تفصیلات کے مطابق آسٹریلوی قومی ٹیم کے سابق کپتا ن رکی پونٹنگ کا اس حوالے سے کہنا تھا کہ بھارتی کرکٹ بورڈ نئے کوچ کی تلاش میں ہے ۔ اس معاملے سے متعلق آئی پی ایل کے دوران (بی سی بی)نے مجھے آفر بھی کی جو میں نے ٹھکرا دی ۔ اس کی وجہ یہ ہے کہ میں اپنا زیادہ تر وقت اپنی فیملی کے ساتھ گزارنا چاہتا ہوں ۔ زندگی میں اور کام بھی بہت سارے ہیں جو کرنے ہیں ۔ ان کا کہنا تھا کہ نیشنل ٹیم کی کوچنگ کرنا پسند کروں گا ، ان کا مزید کہنا تھا کہ اگر آپ انڈین کرکٹ ٹیم کوچ ہوں گے تو پھر آپ آئی پی ایل میں کسی بھی ٹیم کے لیے کوچنگ کے فرائض سرانجام نہیں دے سکتے ۔ اس کے علاوہ اگر آپ بھارتی ٹیم کے کوچ ہوں گے تو 10,11 ماہ کی یہ مشکل جاب ہے جو میرے بس کی بات نہیں ۔ ان کا کہنا ہے کہ میں نے کوچنگ کے حوالے سے اس سے پہلے بھی کئی رپورٹس دیکھی ہیں، ایسا
عموماً سوشل میڈیا پر ہوتا ہے اور کئی نام سامنے آتے ہیں۔ انہوں نے کہا کہ میری آئی پی ایل کے دوران چھوٹی موٹی بھارتی کرکٹ ٹیم کی کوچنگ کے حوالے سے گفتگو ہوتی رہی ہے، گفتگو میں میری کوچنگ میں دلچسپی جاننے کی کوشش کی گئی، لیکن میں جواب دے دیا تھا کہ مجھے اس میں کوئی دلچسپی نہیں ہے ۔ مجھےخوب علم ہے جسٹن لینگر، اسٹیفن فلیمنگ اور گوتم گھمبیر کے نام بھی بھارٹی ٹیم کی کوچنگ کے لیے سامنے آئے ہیں، زندگی میں انجوائے کرنے کے لیے ابھی بہت کچھ ہے، ان کا مزید کہنا تھا کہ میری فیملی نے آئی پی ایل کے دوران 5 ہفتے میرے ساتھ انڈیا میں گزارے، میں نے بیٹے کو کوچنگ کی آفر کا بتایا تو اس نے آفر قبول کرنے کا کہا، بیٹا کہنے لگا کہ ہم دو سال کے لیے اسی ملک میں شفٹ ہو جا تے ہیں۔ رکی پونٹنگ نے کہا کہ فیملی کو بھارت میں کرکٹ کلچر اچھا لگتا ہے لیکن اس وقت کوچنگ میرے لائف اسٹائل میں فٹ نہیں ہوتی۔
